2025 » Page 24 of 80

aparAdhakShamApaNastotram:अपराधक्षमापणस्तोत्रम्

aparAdhakShamApaNastotram: अपराधक्षमापणस्तोत्रम् ॐ अपराधशतं कृत्वा जगदम्बेति चोच्चरेत् ।यां गतिं समवाप्नोति न तां ब्रह्मादयः सुराः ॥ १॥ सापराधोऽस्मि शरणं प्राप्तस्त्वां जगदम्बिके ।इदानीमनुकम्प्योऽहं यथेच्छसि तथा कुरु ॥ २॥ अज्ञानाद्विस्मृतेर्भ्रान्त्या यन्न्यूनमधिकं कृतम् ।तत्सर्वं क्षम्यतां देवि प्रसीद परमेश्वरि ॥ ३॥ कामेश्वरि जगन्मातः सच्चिदानन्दविग्रहे ।गृहाणार्चामिमां प्रीत्या प्रसीद परमेश्वरि ॥ ४॥ सर्वरूपमयी देवी सर्वं देवीमयं जगत् ।अतोऽहं विश्वरूपां त्वां नमामि परमेश्वरीम् ॥ ५॥ यदक्षरं परिभ्रष्टं मात्राहीनञ्च यद्भवेत् ।पूर्णं भवतु तत् सर्वं त्वत्प्रसादान्महेश्वरि ॥ ६॥ यदत्र पाठे जगदम्बिके मया विसर्गबिन्द्वक्षरहीनमीरितम् ।तदस्तु सम्पूर्णतमं प्रसादतः सङ्कल्पसिद्धिश्व सदैव जायताम् ॥ ७॥ यन्मात्राबिन्दुबिन्दुद्वितयपदपदद्वन्द्ववर्णादिहीनंभक्त्याभक्त्यानुपूर्वं प्रसभकृतिवशात् व्यक्त्तमव्यक्त्तमम्ब ।मोहादज्ञानतो वा पठितमपठितं साम्प्रतं ते स्तवेऽस्मिन्तत् सर्वं साङ्गमास्तां भगवति वरदे त्वत्प्रसादात् प्रसीद ॥ ८॥ प्रसीद भगवत्यम्ब प्रसीद भक्तवत्सले ।प्रसादं कुरु मे देवि दुर्गे देवि नमोऽस्तु ते ॥ ९॥ ॥ इति अपराधक्षमापणस्तोत्रं समाप्तम्॥

aparAdhakShamApaNastotram:अपराधक्षमापणस्तोत्रम् Read More »

Shri Chandika Stuti: श्रीचण्डिकास्तुतिः

Shri Chandika Stuti: श्रीचण्डिकास्तुतिः विविक्ततर-गोमती-जठर-मध्य-सिद्धाश्रमां पुरोगत-सरोवर-स्फुरदगाध-पाथश्छटाम् ।विशाल-तलतुङ्ग-भूलुलित-निम्बमूलालयां भजामि भयखण्डिकां सपदि चण्डिकामम्बिकाम् ॥ १॥ न लक्ष्य-घटनाश्रयां न च विशेष-वेश्मावहां घटानुकृति-गोमती-वहन-भाव्यमानास्पदाम् ।नमज्जन-मनोरथारचन-चारु-चिन्तामणिं भजामि भयखण्डिकां सपदि चण्डिकामम्बिकाम् ॥ २॥ निरन्तर-समुल्लसत्कमल-कीर्ण-पाथोजिनी- प्रतान-घनसम्पदा कमपि सम्मदं तन्वतीम् ।त्रिकोण-सरसीमयीं, परिणतिं पुरो बिभ्रतीं, भजामि भयखण्डिकां सपदि चण्डिकामम्बिकाम् ॥ ३॥ अनुग्रह-रसच्छटामिव सरःश्रियं यान्तिके विकासयति, पद्मिनीदल-सहस्रसन्दानिताम् ।प्रतिक्षण-समुन्मिषत्प्रमद-मेदुरां तामहं, भजामि भयखण्डिकां सपदि चण्डिकामम्बिकाम् ॥ ४॥ प्रचण्डयति विक्रमं, झटिति खण्डयत्यापदः सुमण्डयति वाक्कलां, सदसि दण्डयत्युद्धतान् ।करण्डयति रोदसी, गुण-समृद्धिभिर्या हि तां भजामि भयखण्डिकां सपदि चण्डिकामम्बिकाम् ॥ ५॥ श्रुताऽभिलषिता, मता, सुकलिता, समभ्यर्चिता सुधा-पृषत-वर्षिभिर्नवनवैर्वचोभिः स्तुता ।जयाय खलु कल्पते बहुविधादृता, तामहं भजामि भयखण्डिकां सपदि चण्डिकामम्बिकाम् ॥ ६॥ इतस्तत उदित्वर-व्रततिनद्ध-वृक्षावली- लुलद्विहग-मण्डली-मधुरराव-संसेविताम् ।स्खलत्कुसुम-सौरभ-प्रसर-पूर्यमाणाश्रमां भजामि भयखण्डिकां सपदि चण्डिकामम्बिकाम् ॥ ७॥ द्विषत्कुल-कृपाणिकां, कुटिलकाल-विध्वंसिकां, विपद्वन-कुठारिकां, त्रिविध-दुःख-निर्वासिकाम् ।कृपाकुसुम-वाटिकां, प्रणत-भारती-भासिकां, भजामि भयखण्डिकां सपदि चण्डिकामम्बिकाम् ॥ ८॥ ब्रह्माण्डाधिक-देहापि गोमती-तीर-चङ्क्रमा ।जयाय भजतां भूयाच्चण्डिका चण्ड-विक्रमा ॥ ९॥ इति दुर्गाप्रसादद्विवेदीविरचिता चण्डिकास्तुतिः समाप्ता ।

Shri Chandika Stuti: श्रीचण्डिकास्तुतिः Read More »

Love Dreams: सपने में प्रेमी या प्रेमिका को देखना – शुभ या अशुभ संकेत? जानिए क्या कहते हैं आपके सपने

Shri Ganesha Stotram Shrishivakritam: श्रीशिवकृतं श्रीगणेशस्तोत्रम्

Ekadanta Stuti Naradamunikrita: नारदमुनिकृता एकदन्तस्तुतिः

Leave a Comment / KRISHNA, KRISHNA MANTRA / KARMASU

Ekadanta Stuti Naradamunikrita: नारदमुनिकृता एकदन्तस्तुतिः ॥ श्रीगणेशाय नमः ॥नारद उवाच ।नमामि गणनाथं तं सर्वविघ्नविनाशिनम् ।वेदान्तागोचरं तज्ज्ञैर्गम्यं ब्रह्मैव संस्थितम् ॥ ४०॥मनोवाणीविहीनं नो मनोवाणीमयं न च ।ब्रह्मेशानं कथं स्तौमि सिद्धिबुद्धिपतिं परम् ॥ ४१॥त्वद्दर्शनेन हेरम्ब कृतकृत्योऽहमञ्जसा ।इत्युक्त्वा पूजयामास भक्तिभावसमन्वितः ॥ ४२॥पूजयित्वा गणेशानं पुनस्तुष्टाव नारदः ।रोमाञ्चितशरीरोऽसौ भावयुक्तो महामुनिः ॥ ४३॥नमो नमो गणेशाय विघ्नराजाय ते नमः ।भक्तानां विघ्नहन्त्रे चाभक्तानां विघ्नकारिणे ॥ ४४॥ अमेयमायया चैव संयुक्ताय नमो नमः ।योगरूपाय वै तुभ्यं योगिभ्यो मोहदाय ते ॥ ४५॥विनायकाय सर्वेश नमश्चिन्तामणे नमः ।अनन्तमहिमाधार नमस्ते चन्द्रमौलये ॥ ४६॥एकदन्ताय देवाय मायिभ्यो मोहदाय ते ।नमो नमः परेशाय परात्परतमाय ते ॥ ४७॥निर्गुणाय नमस्तुभ्यं गुणाकाराय साक्षिणे ।महाखुवाहनायैव मूषकध्वजधारिणे ॥ ४८॥अनादये नमस्तुभ्यं ज्येष्ठराजाय ढुण्ढये ।हर्त्रे कर्त्रे सदा पात्रे नानाभेदमयाय च ॥ ४९॥त्वद्दर्शनसुधापानाद्धतं मे भ्रान्तिजं महत् ।मरणं भिन्नभावाख्यं गणेशोऽहं कृतस्त्वया ॥ ५०॥न भिन्नं परिपश्यामि त्वदृते गणनायक ।शान्तिदं योगमासाद्य प्रसादात्ते न संशयः ॥ ५१॥भक्तिं देहि गणाधीश परां त्वत्पादपद्मयोः ।कुरु मां गाणपत्यं त्वं प्रेमयुक्तं च ते पदि ॥ ५२॥इत्युक्त्वा विररामाथ तं पुनर्गणपोऽवदत् ।मदीया भक्तिरत्यन्तं भविष्यति सदाऽचला ॥ ५३॥ (फलश्रुतिः)एकदन्त उवाच ।न योगाच्चलनं क्वापि भविष्यति महामुने ।सदा योगीन्द्रपूज्यस्त्वं सर्वमान्यो भविष्यसि ॥ ५४॥त्वया कृतमिदं स्तोत्रं शान्तियोगप्रदं भवेत् ।पठते श‍ृण्वते चैव भुक्तिमुक्तिप्रदायकम् ॥ ५५॥इत्युक्त्वा तस्य हृदये ययौ लीनो गजाननः ।सदा हृदि गणेशानं पश्यति स्म मुनिः स्वयम् ॥ ५६॥इत्याख्यानं नारदीयं कथितं ते प्रजापते ।श‍ृणुयाद्यः पठेद्वा यः सोऽपि सद्गतिमाप्नुयात् ॥ ५७॥ इति नारदमुनिकृता एकदन्तस्तुतिः सम्पूर्णा ॥ – ॥ मुद्गलपुराणं द्वितीयः खण्डः । अध्यायः ३ । २.३ ४०-५७॥

Ekadanta Stuti Naradamunikrita: नारदमुनिकृता एकदन्तस्तुतिः Read More »

Shri Ashtavinayaka Stotram: श्री अष्टविनायकस्तोत्रम्

haridrAgaNeshakavacham: हरिद्रागणेशकवचम्

Lalita Saptami 2025 Date: ललिता सप्तमी 2025: तिथि, महत्व और संतान सुख व सौभाग्य के लिए संपूर्ण पूजा विधि !

Mahalakshmi Vrat 2025 date:लक्ष्मी व्रत 2025 कब है? पूजा विधि, महत्व और शुभ मुहूर्त

Shri Krishnamangalam:कृष्णमङ्गलम् २ (मङ्गलं यादवेन्द्राय)

Leave a Comment / KRISHNA MANTRA, MANTRA / KARMASU

Shri Krishnamangalam: श्रीकृष्णमङ्गलम् मङ्गलं यादवेन्द्राय महनीयगुणाब्धये । (महनीयगुणात्मने) ।वसुदेवतनूजाय वासुदेवाय मङ्गलम् ॥ १॥ किरीटकुण्डलभ्राजदलकैर्यन्मुखश्रिये ।श्रीवत्सकौस्तुभोद्भासि वक्षसे चास्तु मङ्गलम् ॥ २॥ नीलाम्बुदनिकाशाय विद्युत्सदृशवाससे ।देवकीवसुदेवाभ्यां संस्तुतायास्तु मङ्गलम् ॥ ३॥ ताभ्यां सम्प्रार्थितायाथ प्राकृतार्भकरूपिणे ।यशोदाय गृहं पित्रा प्रापितायास्तु मङ्गलम् ॥ ४॥ पूतनाऽसुपयःपानपेशलायाऽसुरारिणे ।शकटासुर विध्वंसि पादपद्माय मङ्गलम् ॥ ५॥ यशोदाऽऽलोकिते स्वास्ये विश्वरूपप्रदर्शिने ।मायामानुषरूपाय माधवायास्तु मङ्गलम् ॥ ६॥ तृणावर्तदनूजासु हारिणे शुभकारिणे ।वत्सासुरप्रभेत्रे च वत्सपालाय मङ्गलम् ॥ ७॥ दामोदराय वीराय यमलार्जुनपातिने ।धात्रा हृतानां वत्सानां रूपधर्त्रेऽस्तु मङ्गलम् ॥ ८॥ ब्रह्मस्तुताय कृष्णाय कालीयफणनृत्यते ।दावाग्निरक्षिताशेष गोगोपालाय मङ्गलम् ॥ ९॥ गोवर्धनाचलोद्घर्त्रे गोपी क्रीडाभिलाषिणे ।अञ्जल्याऽऽहृतवस्त्राणां सुप्रीतायास्तु मङ्गलम् ॥ १०॥ सुदर्शनाख्य गन्धर्व शापमोक्षणकारिणे ।शङ्खचूडशिरोहर्त्रे वृषभघ्नाय मङ्गलम् ॥ ११॥ गान्दिनीसुतसन्दृष्ट दिव्यरूपाय शौरिणे ।त्रिवक्रया प्रार्थिताय सुन्दराङ्गाय मङ्गलम् ॥ १२॥ गन्धमाल्याम्बराढ्याय गजराजविमर्दिने ।चाणूरमुष्टिकप्राणहारिणे चास्तु मङ्गलम् ॥ १३॥ कंसहन्त्रे जरासन्धबलमर्दन कारिणे ।मथुरापुरवासाय महाधीराय मङ्गलम् ॥ १४॥ मुचुकुन्द महानन्ददायिने परमात्मने ।रुक्मिणी परिणेत्रे च सबलायास्तु मङ्गलम् ॥ १५॥ द्वारकापुरवासाय हारनूपुरधारिणे ।सत्यभामासमेताय नरकघ्नाय मङ्गलम् ॥ १६॥ बाणासुरकरच्छेत्रे भूतनाथस्तुताय च ।धर्माहूताय यागार्थं शर्मदायास्तु मङ्गलम् ॥ १७॥ कारयित्रे जरासन्धवधं भीमेन राजभिः ।मुक्तैः स्तुताय तत्पुत्र राज्यदायास्तु मङ्गलम् ॥ १८॥ चैद्यतेजोपहर्त्रे च पाण्डवप्रियकारिणे ।कुचेलाय महाभाग्यदायिने तेऽस्तु मङ्गलम् ॥ १९॥ देव्यष्टक समेताय पुत्रपौत्रयुताय च ।षोडशस्त्री सहस्रैस्तु संयुतायास्तु मङ्गलम् ॥ २०॥ यश्शिष्टरक्षणपरः करुणाम्बुराशिः दुष्टासुरांशनृपतीन् विनिगृह्य शूरान् ।कष्टां दशां अपनुदन्तरसा पृथिव्याः पुष्टिं ददातु स हरिः कुलदैवतं नः ॥ २१॥ ॥ इति श्रीकृष्णमङ्गलं सम्पूर्णम् ॥

Shri Krishnamangalam:कृष्णमङ्गलम् २ (मङ्गलं यादवेन्द्राय) Read More »

Shri Krishnamangalam:कृष्णमङ्गलम् १ (मङ्गलं बालकृष्णाय)

Leave a Comment / KRISHNA MANTRA, MANTRA / KARMASU

Shri Krishnamangalam:श्रीकृष्णमङ्गलम् मङ्गलं बालकृष्णाय दिव्यलीलाय मङ्गलम् ।मङ्गलं नीलवर्णाय मातृमान्याय मङ्गलम् ॥ १॥ मङ्गलं रुक्मिणीशाय जगदीशाय मङ्गलम् ।मङ्गलं यदुनाथाय दीननाथाय मङ्गलम् ॥ २॥ मङ्गलं देवदेवाय वासुदेवाय मङ्गलम् ।मङ्गलं नन्दपुत्राय सदानन्दाय मङ्गलम् ॥ ३॥ मङ्गलं पूतनाहन्त्रे लीलामर्त्याय मङ्गलम् ।मङ्गल शकटच्छेत्रे पद्मपादाय मङ्गलम् ॥ ४॥ मङ्गलं वत्सपालाय विश्वपालाय मङ्गलम् ।मङ्गलं योगिमृग्याय गोपमित्राय मङ्गलम् ॥ ५॥ मङ्गलं बालगोपाय ब्रह्मविद्याय मङ्गलम् ।मङ्गलं कमलाभर्त्रे गोपीकान्ताय मङ्गलम् ॥ ६॥ मङ्गलं मातृबद्धाय जडघ्नायास्तु मङ्गलम् ।मङ्गलं क्रीडते स्त्रीभिः कुन्दारूढाय मङ्गलम् ॥ ७॥ मङ्गलं द्विषते क्रूरान् प्रियाक्रूराय मङ्गलम् ।मङ्गलं वल्लवीभर्ने कंसघ्नायास्तु मङ्गलम् ॥ ८॥ मङ्गलं प्रीतभक्ताय विद्यावासाय मङ्गलम् ।मङ्गलं मागधजिते द्वारकेशाय मङ्गलम् ॥ ९॥ मङ्गलं पार्थसुहृदे जितदैत्याय मङ्गलम् ।मङ्गलं रुक्मिणीजाने रुक्मिणीशाय मङ्गलम् ॥ १०॥ मङ्गलं नैकरूपाय नरदैत्याय मङ्गलम् ।पुत्रिणे नित्यरूपाय ब्रह्माचार्याय मङ्गलम् ॥ ११॥ मङ्गलं द्रौपदीड्याय मानदायास्तु मङ्गलम् ।मङ्गलं प्रियभक्ताय भक्तपालाय मङ्गलम् ॥ १२॥ मङ्गलं दिशते कामान् विप्रप्रार्थ्याय मङ्गलम् ।मङ्गलं शिष्टपालाय भारघ्नायास्तु मङ्गलम् ॥ १३॥ मङ्गलं मायिनेऽमायसारथ्यायास्तु मङ्गलम ।मङ्गलं पूर्णरूपाय गीताचार्याय मङ्गलम् ॥ १४॥ मङ्गलं विश्वरूपाय योगिध्येयाय मङ्गलम् ।मङ्गलं विश्वगुरवे कृपावासाय मङ्गलम् ॥ १५॥ मङ्गलं ज्ञानरूपाय सर्वाभिज्ञाय मङ्गलम् ।मङ्गलं सर्वशक्ताय महासत्त्वाय मङ्गलम् ॥ १६॥ मङ्गलं दिव्यवीर्याय माहेश्वर्याय मङ्गलम् ।मङ्गलं तेऽच्युता य सत्कुलत्राणाय मङ्गलम् ॥ १७॥ इति श्रीकृष्णमङ्गलं सम्पूर्णम् ।

Shri Krishnamangalam:कृष्णमङ्गलम् १ (मङ्गलं बालकृष्णाय) Read More »

Shri Krishna PrAtahsmarana Stotram: श्रीकृष्णप्रातःस्मरणस्तोत्रम्

Leave a Comment / KRISHNA MANTRA, MANTRA / KARMASU

Shri Krishna PrAtahsmarana Stotram: श्रीकृष्णप्रातःस्मरणस्तोत्रम् प्रातः स्मरामि युगकेलिरसाभिषिक्तं वृन्दावनं सुरमणीयमुदारवृक्षम् ।सौरीप्रवाहवृतमात्मगुणप्रकाशं युग्माङ्घ्रिरेणुकणिकाञ्चितसर्वसत्त्वम् ॥ १॥ प्रातः स्मरामि दधिघोषविनीतनिद्रं निद्रावसानरमणीयमुखानुरागम् ।उन्निद्रपद्मनयनं नवनीरदाभं हृदानवद्यललनाञ्चितवामभागम् ॥ २॥ प्रातर्भजामि शयनोत्थितयुग्मरूपं सर्वेश्वरं सुखकरं रसिकेशभूपम् ।अन्योन्यकेलिरसचिह्नसखीदृगौघं सख्यावृतं सुरतकाममनोहरं च ॥ ३॥ प्रातर्भजे सुरतसारपयोधिचिह्नं गण्डस्थलेन नयनेन च सन्दधानौ ।रत्याद्यशेषशुभदौ समुपेतकामौ श्रीराधिकावरपुरन्दरपुण्यपुञ्जौ ॥ ४॥ प्रातर्धरामि हृदयेन हृदीक्षणीयं युग्मस्वरूपमनिशं सुमनोहरं च ।लावण्यधाम ललनाभिरुपेयमानम् उत्थाप्यमानमनुमेयमशेषवेषैः ॥ ५॥ प्रातर्ब्रवीमि युगलावपि सोमराजौ राधामुकुन्दपशुपालसुतौ वरिष्ठौ ।गोविन्दचन्द्रवृषभानुसुतौ वरिष्ठौ सर्वेश्वरौ स्वजनपालनतत्परेशौ ॥ ६॥ प्रातर्नमामि युगलाङ्घ्रिसरोजकोशम् अष्टाङ्गयुक्तवपुषा भवदुःखदारम् ।वृन्दावने सुव्चरन्तमुदारचिह्नं लक्ष्म्याउरोजधृतकुङ्कुमरागपुष्टम् ॥ ७॥ प्रातर्नमामि वृषभानुसुतापदाब्जं नेत्रालिभिः परिणुतं व्रजसुन्दरीणाम् ।प्रेमातुरेण हरिणा सुविशारदेन श्रीमद्व्रजेशतनयेन सदाभिवन्द्यम् ॥ ८॥ सञ्चितनीयमनुमृत्यमभीष्टदोहं संसारतापशमनं चरणं महार्हम् ।नन्दात्मजस्य सततं मनसा गिरा च संसेवयामि वपुषा प्रणयेन रम्यम् ॥ ९॥ प्रातः स्तवमिमं पुण्यं प्रातरुत्थाय यः पठेत् ।सर्वकालं क्रियास्तस्य सफलाः स्युः सदा ध्रुवाः ॥ १०॥ इति श्रीनिम्बार्काचार्यविरचितं श्रीकृष्णप्रातःस्मरणस्तोत्रं सम्पूर्णम् ।

Shri Krishna PrAtahsmarana Stotram: श्रीकृष्णप्रातःस्मरणस्तोत्रम् Read More »