शिव शंकर स्तोत्र हिंदी पाठ Shiva Shankara Stotram in Hindi
अतिभीषणकटुभाषणयमकिंकरपटली-
कृतताडनपरिपीडनमरणागतसमये ।
उमया सह मम चेतसि यमशासन निवसन्
हर शंकर शिव शंकर हर मे हर दुरितम् ॥ १ ॥
असदिन्द्रियविषयोदयसुखसात्कृतसुकृतेः
परदूषणपरिमोक्षण कृतपातकविकृतेः ।
शमनाननभवकानननिरतेर्भव शरणं हर शंकर
शिव शंकर हर मे हर दुरितम् ॥ २ ॥
विषयाभिधबडिशायुधपिशितायितसुखतो
मकरायितगतिसंसृतिकृतसाहसविपदम् ।
परमालय परिपालय परितापितमनिशं हर
शंकर शिव शंकर हर मे हर दुरितम् ॥ ३ ॥
दयिता मम दुहिता मम जननी मम जनको
मम कल्पितमतिसन्ततिमरुभूमिषु निरतम् ।
गिरिजासख जनितासुखवसतिं कुरु सुखिनं
हर शंकर शिव शंकर हर मे हर दुरितम् ॥ ४ ॥
जनिनाशन मृतिमोचन शिवपूजननिरतेः
अभितोऽदृशमिदमीदृशमहमावह इति हा ।
गजकच्छपजनितश्रम विमलीकुरु सुमतिं
हर शंकर शिव शंकर हर मे हर दुरितम् ॥ ५ ॥
त्वयि तिष्ठति सकलस्थितिकरुणात्मनि हृदये
वसुमार्गणकृपणेक्षणमनसा शिवविमुखम् ।
अकृताह्निकमसुपोषकमवताद् गिरिसुतया
हर शंकर शिव शंकर हर मे हर दुरितम् ॥ ६ ॥
पितरावतिसुखदाविति शिशुना कृतहृदयौ
शिवया हृतभयके हृदि जनितं तव सुकृतम् ।
इति मे शिव हृदयं भव भवतात् तव दयया
हर शंकर शिव शंकर हर मे हर दुरितम् ॥ ७ ॥
शरणागतभरणाश्रितकरुणामृतजलधे
शरणं तव चरणौ शिव मम संसृतिवसतेः ।
परिचिन्मय जगदामयभिषजे नतिरवतात्
हर शंकर शिव शंकर हर मे हर दुरितम् ॥ ८ ॥
विविधाधिभिरतिभीतिभिरकृताधिकसुकृतं
शतकोटिषु नरकादिषु हतपातकविवशम् ।
मृड मामव सुकृती भव शिवया सह कृपया
हर शंकर शिव शंकर हर मे हर दुरितम् ॥ ९ ॥
॥ इति शिव शंकर स्तोत्र सम्पूर्णम् ॥
Teja Dashmi 2026 Date And Time : तेजा दशमी जानिए सही तिथि, पूजन विधि और वीर तेजा जी की लोक कथा….
Teja Dashmi 2026 Mein kab Hai : राजस्थान, मध्य प्रदेश और हरियाणा की पावन माटी में लोक देवताओं की पूजा…
Dadhichi Jayanti 2026 Date And Time : महर्षि दधीचि जयंती , जानिए सही तिथि, शुभ मुहूर्त और सर्वोच्च बलिदान की पौराणिक कथा….
Dadhichi Jayanti 2026 Date And Time : सनातन संस्कृति और वैदिक परंपरा में त्याग, तपस्या, परोपकार और निःस्वार्थ लोक-कल्याण के…
Vishwakarma Puja 2026 Puja Vidhi: जानिए सही डेट, शुभ मुहूर्त और पूजा विधि….
Vishwakarma Puja 2026 Puja Vidhi : हिंदू सनातन धर्म में भगवान विश्वकर्मा को देवताओं का मुख्य वास्तुकार, प्रथम इंजीनियर और…
KARMASU