September 4, 2025

Maa Durga in dreams: सपने में मां दुर्गा को देखना शुभ या अशुभ? जानें क्या है इसका वास्तविक जीवन पर प्रभाव !

Where Does Lord Rama Stayed During 14 Years Of Exile: 14 वर्ष के वनवास के दौरान इन स्थानों पर ठहरे थे भगवान श्रीराम

Shri Navadurgasvarupanusandhana Stuti: श्री नवदुर्गास्वरूपानुसन्धानस्तुतिः

Leave a Comment / DURGA, DURGA MANTRA / KARMASU

Shri Navadurgasvarupanusandhana Stuti: श्री नवदुर्गास्वरूपानुसन्धानस्तुतिः वक्ष्येऽहं नव दुर्गायाः स्वरूपाण्यधुना क्रमात् । प्रथमा वन दुर्गा स्यात् शूलिन्याख्या द्वितीयिका ॥ १॥ तृतीया जातवेदास्तु शान्तिदुर्गा चतुर्थिका । पञ्चमी शबरी दुर्गा ज्वलद् दुर्गा च षष्ठिका ॥ २॥ सप्तमी लवणाभिख्या दीपदुर्गा तथाऽष्टमी । नवमी ह्यासुरी दुर्गा प्रोक्ता एता नवाम्बिकाः ॥ ३॥ पुरा भण्डमहायुद्धे ललिताम्बाऽट्टहासतः । आविर्भूता इमा देव्यः मध्वाद्यसुरभीकराः ॥ ४॥ स्मरणादर्चनात्तासां जपात् दुर्गाणि मानवाः । तरन्ति तरसा नान्यो ह्युपायोऽस्ति कलौ युगे ॥ ५॥ दुःखेन शत्रुभिर्गन्तुमशक्यत्वात् यतोऽम्बिका । दुर्गेति कथिता शम्भुं समरोद्युक्तमाश्रिता ॥ ६॥ दुर्गात् सन्त्रायते यस्मात् देवी दुर्गेति कथ्यते । प्रपद्ये शरणं देवि चेत्याहाथर्वणी श्रुतिः ॥ ७॥ आक्रीडायां भवानी सा शम्भोः कोपे तु काळिका । जगतां पालने विष्णुः युद्धे दुर्गा शिवप्रिया ॥ ८॥ समष्टि व्यष्टि भेदेन द्विधा तन्मूर्तिरीरिता । समष्टिरेव सर्वत्र पूज्यते हि द्विजातिभिः ॥ ९॥ विख्याता सर्वदा दुर्गा महिषासुरमर्दिनी । समष्टिरूपिणी देवी नवदुर्गात्मिका शिवा ॥ १०॥ विन्ध्यदर्पविनाशार्थमगस्त्येन वने पुरा । या दुर्गा पूजिता तस्मात् वनदुर्गेति कीर्तिता ॥ ११॥ त्रिपुराणां महायुद्धे वहन्ती शूलमायुधम् । शम्भोः वामगता दुर्गा तस्मात् सा शूलिनी मता ॥ १२॥ जातवेदः स्वरूपा या गङ्गां नयति शाम्भवम् । वीर्यं तस्मात् जातवेदोदुर्गेति प्रथिता भुवि ॥ १३॥ ऋणरोगपिशाचादि सर्वोपद्रव नाशनात् । रुद्रकोपप्रशमनात् शान्ति दुर्गेति कीर्तिता ॥ १४॥ या पार्थस्यानुग्रहार्थं शबरात्मानमीश्वरम् । पुरा वने ह्यनुगता तस्मात्सा शबरी मता ॥ १५॥ रक्षार्थं शक्तिसेनास्ताः पुरा भण्डासुराहवे । अभिजज्वाल शिबिरं ज्वलद् दुर्गा ततो मता ॥ १६॥ लवणासुर संहृत्यै लक्ष्मणेन समर्चिता । या पुरा रामविनुता सा दुर्गा लवणाभिधा ॥ १७॥ हार्दान्धकारं या दुर्गा वारयन्त्याशु योगिनाम् । दीपवत्तिमिरं सा स्यात् दीपदुर्गा सुखप्रदा ॥ १८॥ असुरान् मोहयन्ती या पुराऽयच्छत् सुधारसम् । सुरेभ्यः साऽऽसुरी दुर्गा कीर्तिता सर्वसिद्धिदा ॥ १९॥ समष्टिदुर्गा अरिशङ्खकृपाण खेट बाणान्सधनुश्शूलक तर्जनीर्दधाना । मम सा महिषोत्तमाङ्गसंस्था नवदुर्गासदृशी श्रियेऽस्तु दुर्गा ॥ २०॥ १. वनदुर्गाध्यानम् । सौवर्णाम्बुज मध्यगां त्रिनयनां सौदामिनी सन्निभां शङ्खं चक्रवराभयानि दधतीमिन्दोः कलां बिभ्रतीम् । ग्रैवेयाङ्गद हार कुण्डलधरामाखण्डलाद्यैः स्तुतां ध्यायेद्विन्ध्यनिवासिनीं शशिमुखीं पार्श्वस्थपञ्चाननाम् ॥ २१॥ २. शूलिनीदुर्गाध्यानम् । अध्यारूढां मृगेन्द्रं सजलजलधरश्यामळां हस्त पद्मैः शूलं बाणं कृपाणीमरिजलजगदाचापपाशान्वहन्तीम् । चन्द्रोत्तंसां त्रिनेत्रां चतसृभिरसिना खेटकं बिभ्रतीभिः कन्याभिः सेव्यमानां प्रतिभटभयदां शूलिनीं भावयामि ॥ २२॥ ३. जातवेदोदुर्गाध्यानम् । विद्युद्दामसमप्रभां मृगपतिस्कन्धस्थितां भीषणां कन्याभिः करवाळखेटविलसद्धस्ताभिरासेविताम् । हस्तैश्चक्रधरासिखेट विशिखान् पाशाङ्कुशौ तर्जनीं बिभ्राणामनलात्मिकां शशिधरां दुर्गां त्रिनेत्रां भजे ॥ २३॥ ४. शान्तिदुर्गाध्यानम् । रोगोपद्रव शत्रुभीति विविध क्रूराहि शूकोल्बणोद्- दुष्टारिष्टपिशाचजा बहुविधास्ता आपदो ह्यामयाः । यद्ध्यानात्प्रशमं प्रयान्ति सहसा सा शान्तिदुर्गाऽवतात् हस्ताश्लिष्टवरत्रिशूल कमलाभीतिर्मृगेन्द्रासना ॥ २४॥ ५. शबरीदुर्गाध्यानम् । गुञ्जाफलाकल्पित हाररम्यां श्रुत्योः शिखण्डं शिखिनो वहन्तीम् । कोदण्डबाणौ दधतीं कराभ्यां कटिस्थवल्कां शबरीं स्मरामि ॥ ६. ज्वलद्दुर्गाध्यानम् । ज्वालामालावलीढा ज्वलनशरधनुश्शङ्खचक्रासिखेटान् शूलं सन्तर्जनीं या करसरसिरुहैस्सन्दधाना त्रिनेत्रा । और्वाग्निं सङ्किरन्ती रणभुवि दितिजान्नाशयन्ती परा सा दुर्गा जाज्वल्यमाना भवतु मम सदा सिंहसंस्था पुरस्तात् ॥ २६॥ ७. लवणदुर्गाध्यानम् । करकमल विराजच्चक्रशङ्खासिशूला परिलसितकिरीटा पाटितानेकदैत्या । त्रिनयनलसिताङ्गी तिग्मरश्मिप्रकाशा पवनसखनिभाङ्गी लावणी पातु दुर्गा ॥ २७॥ ८. दीपदुर्गाध्यानम् । दीपान्तर्ज्वलितारविन्दसदृशा सिंहासनस्था शिवा शूलेष्वासशरारि शङ्ख कमलाभीतीष्ट हस्तोज्ज्वला । सम्पूज्याऽमरलोक वासिभिरसावाखेलयन्ती मुदा स्वाभादीप्तनिशा महेशरमणी दुर्गाम्बिका रक्षतात् ॥ २८॥ ९. आसुरीदुर्गाध्यानम् । शरच्चन्द्रकान्तिर्वराभीतिशूलान् सृणिं हस्तपद्मैर्दधानाऽम्बुजस्था । विभूषाम्बराढ्याऽहियज्ञोपवीता मुदोऽथर्वपुत्री करोत्वासुरी नः ॥ २९॥ समष्टिस्तुतिः । नवीकृताकारधराऽपि याऽनवीकृताऽविकारापि विकाररूपिणी । विसर्गरूपाऽप्यविसर्गरक्षणोन्मुखी सदा रक्षतु सा नवात्मिका ॥ ३०॥ दुर्गे शूलिनि जातवेदसि महाशान्त्याह्वये शाबरि ज्वालादुर्गवराभिधे लवणगे दीपाभिधे ह्यासुरि । एह्यम्बे पुरतो ममाद्य भयकृद्रोगारि पीडादिमान् विध्वस्तान् कुरु देहि सौख्यमतुलं भक्तिं तथाऽव्याहताम् ॥ ३१॥ फलाशंसनम् । नवदुर्गास्वरूपानुसन्धायकमनुत्तमम् । इदं स्तोत्रवरं नित्यं यः पठेत् सर्वसिद्धिदम् ॥ ३२॥ त्रिकालं ह्येककालं वा सङ्कान्तावयने तथा । विषौ दर्शे पौर्णमास्यामष्टम्यां भौमवासरे ॥ ३३॥ शुक्रवारे चतुर्दश्यां रोहिण्यां वा विशेषतः । कृष्णाङ्गारचतुर्दश्यां भौमाश्विन्यां पठेदिदम् ॥ ३४॥ महामृत्युं च तरति महादुर्गाणि शीघ्रतः । निशीथिन्यां जपेदेतत् वाक्सिद्धिरपि लभ्यते ॥ ३५॥ सर्वान् कामानवाप्रोति सर्वसिद्धिञ्च विन्दति । अत्युत्पातभये जाते रोगोपद्रवसम्भवे ॥ ३६॥ ऋणे बन्धे च यो धीमान् नवदुर्गां हृदि स्मरन् । पठेदाशु सुखं याति महादेव्याः प्रसादतः ॥ ३७॥ गोपनीयमिदं स्तोत्रं नात्र कार्या विचारणा । नवदुर्गा महाविद्या नवधा ह्युद्धृताश्च ताः ॥ ३८॥ जपित्वाऽन्ते पठेदेतत् स्तोत्रं तस्याणिमादयः । वशं यान्ति न सन्देहो नवदुर्गा प्रसीदति ॥ ३९॥ एवं यो हृदि भावयन् स्तुतिमिमां सङ्कीर्तयन् प्रत्यहं मन्त्राणां नवकं नवाकृतिधरां दुर्गामुपास्ते शिवाम् । संयात्याशु मनो विचिन्तितफलं सन्तानसत्सम्पदः कान्ताभूधनधान्यवर्गमतुलां पुष्टिं च निर्वैरताम् ॥ ४०॥ (अथर्वण रहस्ये श्री दक्षिणामूर्तिसंहितायां विद्याम्नाय कल्पतः) इति श्री नवदुर्गास्वरूपानुसन्धानस्तुतिः समाप्ता ।

Shri Navadurgasvarupanusandhana Stuti: श्री नवदुर्गास्वरूपानुसन्धानस्तुतिः Read More »

Shri Durgastavanam: श्रीदुर्गास्तवनम्

Leave a Comment / DURGA, DURGA MANTRA / KARMASU

Shri Durgastavanam: श्रीदुर्गास्तवनम् महाकाली महालक्ष्मी महासरस्वती शिवे ।जगदम्बे महामाये शक्तिरूपे नमोऽस्तुते ॥ १॥ सुमाङ्गल्ये महेशानि सच्चिदानन्दरूपिणे ।सर्वदुःख हरे देवि मातर्दुर्गे नमोऽस्तुते ॥ २॥ सिंहस्कन्धसमारूढे सशस्त्रैर्समलङ्कृते ।अभयं कुरु मे मात तस्यैनित्यै नमो नमः ॥ ३॥ सृष्टि स्थितिलय कर्त्री परिपूर्णाच सर्वदा ।गौराङ्गीदैत्यदमनीं मातर्तस्यै नमो नमः ॥ ४॥ भक्तानां सुखदां नित्यां योगक्षेमकरीं सदा ।भयान्मे त्राहित्वन्नित्यं दुर्गेदेवि नमोऽस्तुते ॥ ५॥ शरणागतदीनानामार्तित्राण परायणे ।संसारभयनाशिन्यै देव्यैतस्यै नमो नमः ॥ ६॥ उमासती दाक्षायणी पार्वती त्वां वरानने ।सर्वत्रास हरे देवि महेशानि नमोऽस्तुते ॥ ७॥ सच्चिदानन्दरूपायै धात्र्यैशान्त्यै नमो नमः ।अनन्तभूति पूर्णायै देव्यैतस्यै नमो नमः ॥ ८॥ अनन्त कोटि ब्रह्माण्ड नायिके परमेश्वरि ।सन्मतिदान शिलायै तस्यैदेव्यै नमो नमः ॥ ९॥ अजरामरकारिण्यै भुक्तिमुक्तिञ्चसम्पदम् ।अनन्त धनधान्यादि दात्र्यैदेव्यै नमो नमः ॥ १०॥ इति श्री स्वामी उमेश्वरानन्दतीर्थविरचितं दुर्गास्तवनं अथवा श्रीनवदुर्गास्तोत्रं सम्पूर्णम् ।

Shri Durgastavanam: श्रीदुर्गास्तवनम् Read More »

ShrIchaNDIdhvajastotram: श्रीचण्डीध्वजस्तोत्रम्

Leave a Comment / DURGA, DURGA MANTRA / KARMASU

ShrIchaNDIdhvajastotram: श्रीचण्डीध्वजस्तोत्रम् अस्य श्री चण्डीध्वज स्त्रोत्र महामन्त्रस्य । मार्कण्डेय ऋशिः ।अनुश्तुप् छन्दः । श्रीमहालक्ष्मीर्देवता । श्रां बीजम् । श्रीं शक्तिः ।श्रूं कीलकम् । मम वाञ्छितार्थ फलसिद्ध्यर्थं विनियोगः ।अङ्गन्यसः ।श्रां श्रीं श्रुं श्रैं श्रौं श्रः इति कर हृदयादिन्यासौ । श्यानन् ।ॐ श्रीं नमो जगत्प्रतिष्ठायै देव्यै भूत्यै नमो नमः ।परमानन्दरूपायै नित्यायै सततं नमः ॥ १ ॥ नमस्तेऽस्तु महादेवि परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २ ॥ रक्षमां शरण्ये देवि धन-धान्य-प्रदायिनि ।राज्यं देहि धनं देहि साम्राज्यं देहि मे सदा ॥ ३ ॥ नमस्तेऽस्तु महाकाली परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ४ ॥ नमस्तेऽस्तु महालक्ष्मी परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ५ ॥ महासरस्वती देवी परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ६ ॥ नमो ब्राह्मी नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ७ ॥ नमो महेश्वरी देवि परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ८ ॥ नमस्तेऽस्तु च कौमारी परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ९ ॥ नमस्ते वैष्णवी देवि परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १० ॥ नमस्तेऽस्तु च वाराही परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ११ ॥ नारसिंही नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १२ ॥ नमो नमस्ते इन्द्राणी परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १३ ॥ नमो नमस्ते चामुण्डे परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १४ ॥ नमो नमस्ते नन्दायै परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १५ ॥ रक्तदन्ते नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १६ ॥ नमस्तेऽस्तु महादुर्गे परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १७ ॥ शाकम्भरी नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १८ ॥ शिवदूति नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ १९ ॥ नमस्ते भ्रामरी देवि परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २० ॥ नमो नवग्रहरूपे परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २१ ॥ नवकूट महादेवि परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २२ ॥ स्वर्णपूर्णे नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २३ ॥ श्रीसुन्दरी नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २४ ॥ नमो भगवती देवि परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २५ ॥ दिव्ययोगिनी नमस्ते परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २६ ॥ नमस्तेऽस्तु महादेवि परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २७ ॥ नमो नमस्ते सावित्री परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २८ ॥ जयलक्ष्मी नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ २९ ॥ मोक्षलक्ष्मी नमस्तेऽस्तु परब्रह्मस्वरूपिणि ।राज्यं देहि धनं देहि साम्राज्यं देहि मे सदा ॥ ३० ॥ चण्डीध्वजमिदं स्तोत्रं सर्वकामफलप्रदम् ।राजते सर्वजन्तूनां वशीकरण साधनम् ॥ ३२ ॥ ॥ श्रीचण्डीध्वज स्तोत्रम् ॥

ShrIchaNDIdhvajastotram: श्रीचण्डीध्वजस्तोत्रम् Read More »

tIvrachaNDikAstotram: तीव्रचण्डिकास्तोत्रम्

Leave a Comment / DURGA, DURGA MANTRA / KARMASU

tIvrachaNDikAstotram: तीव्रचण्डिकास्तोत्रम् अथवा श्रीमार्कण्डेयपुराणोक्त चण्डिकास्तोत्रम् । ॥ ध्यानम् ॥ चामुण्डा प्रेतगा विकृता चाऽहि भूषणादंष्ट्रालि क्षीणदेहा च गर्ताक्षी कामरूपिणी ।दिग्बाहुः क्षामकुक्षि मुशलं चक्रचामरेअङ्कुशं विभ्रती खड्गं दक्श्ःइणे चाथ वामके ॥ खेटं पाशं धनुर्दण्डं कुठारं चापि बिभ्रती या देवी खड्गहस्ता सकलजनपदव्यापिनी विश्वदुर्गाश्यामाङ्गी शुक्लपाशा द्विजगणगणिता ब्रह्मदेहार्थवासा । var शुक्लनासा द्विजगणनमिताज्ञानानां साधयन्ती यतिगिरिगमनज्ञान दिव्य प्रबोधा var साधयित्रीसा देवी दिव्यमूर्तिः प्रदहतु दुरितं चण्डमुण्डा प्रचण्डा ॥ १॥ ॐ ह्रां ह्रीं ह्रूं चर्ममुण्डे शवगमनहते भीषणे भीमवक्त्रेक्रां क्रीं क्रूं क्रोधमूर्तिर्भिः कृतस्तवमुखे रौद्रदंष्ट्राङ्कराले । var क्रोधमूर्ति विकृत कुचमुखेकं कं कं कालरात्रिः भ्रमसि जगदिदं भक्षयन्ती ग्रसन्ती var कालधारीहूङ्कारोच्चारयन्ती प्रदहतु दुरितं चण्डमुण्डा प्रचण्डा ॥ २॥ ॐ ह्रां ह्रीं ह्रूं रुद्ररूपे त्रिभुवननमिते पाशहस्ते त्रिनीत्रेरां रीं रूं रङ्गरङ्गे किलिकिलितरवे शूलहस्ते प्रचण्डे ।लां लीं लूं लम्बजिह्वे हसति कहकहाशुद्ध घोराट्टहासैःकं काली कालरात्रिः प्रदहतु दुरितं चण्डमुण्डा प्रचण्डा ॥ ३॥ ॐ घ्रां घ्रीं घ्रूं घोररूपे घघघघ घटितैर्घर्घुरारावघोरेनिर्मांसी शुष्कजङ्घे पिबतु नरवसा धूम्रधूम्रायमाने ।ॐ द्रां द्रीं द्रूं द्रावयन्ती सकलभुवि तथा यक्षगन्धर्वनागैः var तलेक्षां क्षीं क्षूं क्षोभयन्ती प्रदहतु दुरितं चण्डमुण्डा प्रचण्डा ॥ ४॥ ॐ भ्रां भ्रीं भ्रूं चण्डवर्गे हरिहरनमिते रुद्रमूर्तिश्च कीर्तिः var ज्रां ज्रीं ज्रूंचन्द्रादित्यौ च कर्णौ जडमकुटशिरोवेष्टितां केतुमाला ।स्रक्सर्वौ चोरगेन्द्रौ शशिकिरणनिभा तारको हार कण्ठेसा देवी दिव्यमूर्तिः प्रदहतु दुरितं चण्डमुण्डा प्रचण्डा ॥ ५॥ ॐ खं खं खं गवस्ते वरकनकनिभे सूर्यकान्ति स्वतेजः var खड्गहस्तेविद्युज्ज्वालावलीनां नवनिशितमहाकृत्तिका दक्षिणेन ।वामे हस्ते कपालं वरविमलसुरापूरितं धारयन्तीसा देवी दिव्यमूर्तिः प्रदहतु दुरितं चण्डमुण्डा प्रचण्डा ॥ ६॥ ॐ हुं हुं हुं फट् कालरात्रिः उरु (रु रु) सुरमथिनी धूम्रमारी कुमारीह्रां ह्रीं ह्रूं हत्तिशोरौक्षपितिकिलिकिला शब्द अट्टाट्टहासे ।हा हा भूत प्रभूते किलिकिलितमुखा कीलयन्ती ग्रसन्ती var प्रसूतेहूङ्कारोच्चारयन्ती प्रदहतु दुरितं चण्डमुण्डा प्रचण्डा ॥ ७॥ ॐ भृङ्गी कालीकपाली परिजनसहिते चण्डिचामुण्डनित्यारों रों रोङ्कारनित्ये शशिकरधवले कालकूटे दुरन्ते ।ह्रुं ह्रुं ह्रुङ्कारकारी सुरगणनमिते कालकारी विकारीत्र्यैलोक्यं वश्यकारी प्रदहतु दुरितं चण्डमुण्डा प्रचण्डा ॥ ८॥ ॐ वन्दे दण्डप्रचण्डा डमरुमणिमारणष्टोपटङ्कारघण्टैनृत्यन्ती याट्टपातैः रटपट विभवैर्निर्मला मन्त्रमाला । var हासैःशुष्के कुक्षे वहन्ती खरखरितसखा चार्चिनी प्रेतमाला var शुष्कौ कुक्षौउच्चैशैत्याट्टहासैः घरुघरितरवा त्वं चण्डमुण्डा प्रचण्डा ॥ ९॥ ॐ त्वं ब्राह्मी त्वं च रौद्री त्वं सच शिकगमना त्वं च देवी कुमारीत्वं चक्रे चक्रहस्ता घरुघरितरवा त्वं वराहस्वरूपा ।रौद्रे त्वं चर्ममुण्डा सकलभुवितले संस्थिते सर्वमार्गेपाताले शैलश‍ृङ्गे हरिहरनमिते देवी चण्डी नमस्ते ॥ १०॥ नमस्ते नमस्ते नमः ॐ रक्षत्वं मुङ्डधारी गिरिगुहविहरे निर्झरे पर्वते वासङ्ग्रामे शत्रुमध्ये विशविशभविते सङ्कटे कुत्सिते वा ।व्याघ्रे चौरे च सर्वेप्युः दधिभुवितले तथा वह्निमध्ये दुर्गेरक्षेत्वां दिव्यमूर्तिः प्रदहतु दुरितं चण्डमुण्डा प्रचण्डा ॥ ११॥ इत्येवं बीजमन्त्रैः स्तवनमति शिवं पातकं व्याधिनाशंप्रत्यक्षं दिव्यरूपं ग्रहगणमथनं मर्दनं शाकिनीनाम् ।इत्येवं वेगवेगं सकलभयहरं मन्त्रमूर्तिश्च नित्यं var मन्त्रशक्तिश्च मन्त्राणां स्तोत्रकं यः पठति स लभतौ प्रार्थितां मन्त्रसिद्धिम् ॥ १२॥ ॐ नमश्चण्डिकायै नमश्चण्डिकायै नमश्चण्डिकायै ।॥ श्रीरागमालिकाकृते तीव्रचण्डिकास्तोत्रं सम्पूर्णम् ॥ ॥ श्रीमार्कण्डेयपुराणोक्त चण्डिकास्तोत्रं सम्पूर्णम् ॥

tIvrachaNDikAstotram: तीव्रचण्डिकास्तोत्रम् Read More »

September 4, 2025

Maa Durga in dreams: सपने में मां दुर्गा को देखना शुभ या अशुभ? जानें क्या है इसका वास्तविक जीवन पर प्रभाव !

Where Does Lord Rama Stayed During 14 Years Of Exile: 14 वर्ष के वनवास के दौरान इन स्थानों पर ठहरे थे भगवान श्रीराम

Shri Navadurgasvarupanusandhana Stuti: श्री नवदुर्गास्वरूपानुसन्धानस्तुतिः

Shri Durgastavanam: श्रीदुर्गास्तवनम्

ShrIchaNDIdhvajastotram: श्रीचण्डीध्वजस्तोत्रम्

tIvrachaNDikAstotram: तीव्रचण्डिकास्तोत्रम्

September 2025 Vrat Tyohar List: ये है सितंबर के व्रत की लिस्ट, जानिए कब से शुरू हो रहे हैं शारदीय नवरात्र ?