LAKSHMI Archives » KARMASU

Lakshmanakritam Ramanatha Stotram: लक्ष्मणकृतं रामनाथस्तोत्रम्

Leave a Comment / LAKSHMI, MANTRA / KARMASU

Lakshmanakritam Ramanatha Stotram: लक्ष्मणकृतं रामनाथस्तोत्रम् लक्ष्मण उवाच ।नमस्ते रामनाथाय त्रिपुरघ्नाय शम्भवे ।पार्वतीजीवितेशाय गणेशस्कन्दसूनवे ॥ १३॥ नमस्ते सूर्यचद्राग्निलोचनाय कपर्दिने ।नमः शिवाय सोमाय मार्कण्डेयभयच्छिदे ॥ १४॥ नमः सर्वप्रपञ्चस्य सृष्टिस्थित्यन्तहेतवे ।नम उग्राय भीमाय महादेवाय साक्षिणे ॥ १५॥ सर्वज्ञाय वरेण्याय वरदाय वराय ते ।श्रीकण्ठाय नमस्तुभ्यं पञ्चपातकभेदिने ॥ १६॥ नमस्तेऽस्तु परानन्दसत्यविज्ञानरूपिणे ।नमस्ते भवरोगघ्न स्नायूनां पतये नमः ॥ १७॥ पतये तस्कराणां ते वनानां पतये नमः ।गणानां पतये तुभ्यं विश्वरूपाय साक्षिणे ॥ १८॥ कर्मणा प्रेरितः शम्भो जनिष्ये यत्र यत्र तु ।तत्र तत्र पदद्वन्द्वे भवतो भक्तिरस्तु मे ॥ १९॥ असन्मार्गे रतिर्मा भूद्भवतः कृपया मम ।वैदिकाचारमार्गे च रतिः स्याद्भवते नमः ॥ १.४९.२०॥ इति श्रीस्कन्दपुराणे ब्रह्मखण्डे सेतुखण्डे एकोनपञ्चाशत्तमाध्यायान्तर्गतं लक्ष्मणकृतं रामनाथस्तोत्रं समाप्तम् । स्कन्दपुराण । ब्रह्मखण्ड । सेतुल्खण्ड । अध्याय ४९/१३-२०॥

Lakshmanakritam Ramanatha Stotram: लक्ष्मणकृतं रामनाथस्तोत्रम् Read More »

Shri Lakshminrisimhastavana Stotram:श्रीलक्ष्मीनृसिंहस्तवनस्तोत्रम्

Leave a Comment / LAKSHMI, MANTRA / KARMASU

Shri Lakshminrisimhastavana Stotram:श्रीलक्ष्मीनृसिंहस्तवनस्तोत्रम् श्रीगणेशाय नमः । श्रीलक्ष्मीनृसिंहाय नमः ।अथ ध्यानम् ।लक्ष्मीशोभितवामभागममलं सिंहासने सुन्दरंसव्ये चक्रधरं च निर्भयकरं वामेन चापं वरम् ।सर्पाधीशकृतान्तपत्रममलं Lakshminrisimhastavana श्रीवत्सवक्षःस्थलंवन्दे देवमुनीन्द्रवन्दितपदं लक्ष्मीनृसिंहं विभुम् ॥ १॥ नमोऽस्तु लीलामयविग्रहाय स्वरूपदृष्ट्या हतसद्भ्रमाय ।नमः परानन्दपरालयाय स्वभावसम्पत्तिमहोदयाय ॥ २॥ नमो गुणानां पतये महिम्ने विकारधाम्नेऽखिलकारणाय ।नमो जगद्भासयते गरिम्णे सते चिदात्माकृतये गुणाय ॥ ३॥ त्वमादिरस्यासि निदानमध्यं विश्वाकृतिस्त्वं प्रलयो विभुस्त्वम् ।त्वं सर्वयोनिस्त्वं सर्वयोनिस्त्वं सर्वशोऽसि त्वं सर्वशश्च ॥ ४॥ नमः पुरस्तादथ पार्श्वयोस्ते पश्चान्नमो ते बहिरीश्वराय ।पूर्णाद्वितीयाय नमः पराय अणीयसेऽनन्तचिदे परस्मै ॥ ५॥ वह्नेः स्फुल्लिङ्गा इव वारिभझ सिन्धोरिवौघा इव वासनानाम् ।भवन्ति तिष्ठन्ति वियन्ति यत्र ब्रह्माण्डसङ्घास्तमजं प्रपद्ये ॥ ६॥ यदीक्षया जनिरस्या प्रमेयो विभुर्नृसिंहो वरदो ममास्तु ।येनाहमस्मिन् विविधेऽत्रसर्गे सम्प्रेरितः कालविनष्टदृष्टिः ॥ ७॥ यस्यादेशात् सर्गकर्मप्रवृत्तो भूत्वाप्यहं कालसम्मूढचेताः ।स पुण्यवाचा ममसृष्टीमेतामलङ्करोतु प्रभविष्णुरीशः ॥ ८॥ इहैष लोके ह्यसमीक्ष्य बद्धो मायागुणैः कामयते तु कामान् ।यच्छन्नमुष्मै य इहाप्रमेयो हरन्त्यनन्तो निमिषं प्रसीद ॥ ९॥ नमो नियन्त्रे नियमालयाय नमो जगन्मोहतमोरुणाय ।नमो नृसिंहाय विलासधाम्ने नमः शिवायामितविक्रमाय ॥ १०॥ नमो मनोदूरचराय वाचां वाचामनिर्देश्य पदाय भूम्ने ।नमः स्वभासाखिलभासकाय प्रमाणमात्रे जगदीश्वराय ॥ ११॥ इति पद्मपुराणे श्रीनृसिंहस्तवनं सम्पूर्णम् । ॐ तत्सत् ।

Shri Lakshminrisimhastavana Stotram:श्रीलक्ष्मीनृसिंहस्तवनस्तोत्रम् Read More »

Kamala Ashtakam:कमलाष्टकम्

Leave a Comment / LAKSHMI, MANTRA / KARMASU

Kamala Ashtakam:कमलाष्टकम् न्यङ्कावरातिभयशङ्काकुले धृतदृगङ्कायतिः प्रणमतां शङ्काकलङ्कयुतपङ्कायताश्मशितटङ्कायितस्वचरिता ।त्वं कालदेशपदशङ्कातिपातिपतिसङ्काश वैभवयुता शं काममातरनिशं कामनीयमिह सङ्काशयाशु कृपया ॥ १॥ आचान्तरङ्गदलिमोचान्तरङ्गरुचिवाचां तरङ्गगतिभिः काचाटनाय कटुवाचाटभावयुतनीचाटनं न कलये ।वाचामगोचरसदाचारसूरिजनताचातुरीविवृतये प्राचां गतिं कुशलवाचां जगज्जननि याचामि देवि भवतीम् ॥ २॥ चेटीकृतामरवधूटीकराग्रधृतपेटीपुटार्घ्यसुमनो- वीटीदलक्रमुकपाटीरपङ्कनवशाटीकृताङ्गरचना ।खेटीकमानशतकोटीकराब्जजजटाटीरवन्दितपदा या टीकतेऽब्जवनमाटीकतां हृदयवाटीमतीव कमला ॥ ३॥ स्वान्तान्तरालकृतकान्तागमान्तशतशान्तान्तराघनिकराः शान्तार्थकान्तवकृतान्ता भजन्ति हृदि दान्ता दुरन्ततपसा ।यां तानतापभवतान्तातिभीतजगतां तापनोदनपटुं मां तारयत्वशुभकान्तारतोऽद्य हरिकान्ताकटाक्षलहरी ॥ ४॥ यां भावुका मनसि सम्भावयन्ति भवसम्भावनापहृतये त्वं भासि लक्ष्मि सततं भाव्ययद्भवनसम्भावनादिविधये ।जम्भारिसम्पदुपलम्भादिकारणमहं भाव्यमङ्घ्रियुगलं सम्भावये श्रुतिषु सम्भाषितं वचसि सम्भाष्य तस्य तव च ॥ ५॥ दूरावधूतमधुधारागिरोच्चकुचभारानताङ्गलतिका- साराङ्गलिप्तघनसारार्द्रकुङ्कुमरसा राजहंसगमना ।वैराकरस्मरविकारापसंसरणवाराशिमग्रमनसः श्रीराविरस्तु धुरि ताराय मे गुरुभिरारधिता भगवती ॥ ६॥ श्रीवासधूपकनदावासदीपरुचिरावासभूपरिसरा श्रीवासदेशलसदावापकाशरदभावाभकेशनिकरा ।श्रीवासुदेवरमणी वामदेवविधिदेवाधिपावनपरा श्रीवासवस्तुनरदेवाहतस्तुतिसभावा मुदेऽस्तु सुतराम् ॥ ७॥ भाषादिदेवकुलयोषामणिस्तवनघोषाञ्चितस्वसविधा दोषाकुले जगति पोषाकुला सपदि शेषाहि शायिदयिता ।दोषालयस्य मम दोषानपोह्य गतदोषाभिनन्द्यमहिमा शेषाशनाहिरिपुशेषादिसम्पद विशेषां ददातु विभवान् ॥ ८॥ इति श्रीकमलाष्टकं सम्पूर्णम् ।स्तोत्रसमुच्चयः २ (८४)

Kamala Ashtakam:कमलाष्टकम् Read More »

ShrIaShTalakShmImahAmantram:श्रीअष्टलक्ष्मीमहामन्त्रम्

Leave a Comment / LAKSHMI, MANTRA / KARMASU

ShrIaShTalakShmImahAmantram:श्रीअष्टलक्ष्मीमहामन्त्रम् (ऋषिः – छन्दः – देवता – ध्यान सहितम्)श्रीलक्ष्मीनारायणःअस्य श्रीरमानाथमहामन्त्रस्य –नारायण ऋषिः – विराट् छन्दः – लक्ष्मीनारायणो देवता –अं बीजं – उं शक्तिः – मं कीलकं –अस्य श्रीलक्ष्मीनारायणप्रसादसिद्ध्यर्थे जपे विनियोगः ।ॐ अङ्गुष्ठाभ्यां नमः ॐ नं तर्जनीभ्यां नमःॐ रं मध्यमाभ्यां नमः ॐ यं अनामिकाभ्यां नमःॐ णं कनिष्ठिकाभ्यां नमः ॐ यं करतलकरपृष्ठाभ्यां नमःॐ हृदयाय नमः ॐ नं शिरसे स्वाहाॐ रं शिखायै वषट् ॐ यं कवचाय हुंॐ णं नेत्राभ्यां वौषट् ॐ यं अस्त्राय फट्ॐ भूर्भुवस्सुवरोमिति दिग्बन्धः ॥ ध्यानम्श्रीवत्सवक्षसं विष्णुं चक्रशङ्खसमन्वितम् ।वामोरुविलसल्लक्ष्म्याऽऽलिङ्गितं पीतवाससम् ॥ सुस्थिरं दक्षिणं पादं वामपादं तु कुञ्जितम् ।दक्षिणं हस्तमभयं वामं चालिङ्गितश्रियम् ॥ शिखिपीताम्बरधरं हेमयज्ञोपवीतिनम् ।एवं ध्यायेद्रमानाथं पश्चात्पूजां समाचरेत् ॥ मूलमन्त्रम् – ॐ नमो नारायणाय ।श्री आदिलक्ष्मीःअस्य श्री आदिलक्ष्मीमहामन्त्रस्य –भार्गव ऋषिः – अनुष्टुबादि नाना छन्दांसि – श्री आदिलक्ष्मीर्देवता –श्रीं बीजं – ह्रीं शक्तिः – ऐं कीलकं –श्रीमदादि महालक्ष्मीप्रसादसिद्ध्यर्थे जपे विनियोगः ।ॐ श्रीं अङ्गुष्ठाभ्यां नम ॐ ह्रीं तर्जनीभ्यां नमःॐ ऐं मध्यमाभ्यां नम ॐ श्रीं अनामिकाभ्यां नमःॐ ह्रीं कनिष्ठिकाभ्यां नमः ॐ ऐं करतलकरपृष्ठाभ्यां नमःॐ श्रीं हृदयाय नमः ॐ ह्रीं शिरसे स्वाहाॐ ऐं शिखायै वषट् ॐ श्रीं कवचाय हुंॐ स्रौं नेत्राभ्यां वौषट् ॐ स्रः अस्त्राय फट्ॐ भूर्भुवस्सुवरोमिति दिग्बन्धः ॥ ध्यानम्द्विभुजां च द्विनेत्रां च साभयां वरदान्विताम् ।पुष्पमालाधरां देवीं अम्बुजासनसंस्थिताम् ॥ पुष्पतोरणसम्युक्तां प्रभामण्डलमण्डिताम् ।सर्वलक्षणसम्युक्तां सर्वाभरणभूषिताम् ॥ पीताम्बरधरां देवीं मकुटीचारुबन्धनाम् ।सौन्दर्यनिलयां शक्तिं आदिलक्ष्मीमहं भजे ॥ मूलमन्त्रं – ॐ श्रीं आदिलक्ष्म्यै नमः । श्रीसन्तानलक्ष्मीअस्य श्रीसन्तानलक्ष्मीमहामन्त्रस्य –भृगु ऋषिः – निचृत् छन्दः – श्रीसन्तानलक्ष्मीः देवता –श्रीं बीजं – ह्रीं शक्तिः – क्लीं कीलकं –अस्य श्रीसन्तानलक्ष्मीप्रसादसिद्ध्यर्थे जपे विनियोगः ।ॐ स्रां अङ्गुष्ठाभ्यां नमः ॐ स्रीं तर्जनीभ्यां नमःॐ स्रूं मध्यमाभ्यां नमः ॐ स्रैं अनामिकाभ्यां नमःॐ स्रौं कनिष्ठिकाभ्यां नमः ॐ स्रः करतलकरपृष्ठाभ्यां नमःॐ स्रां हृदयाय नमः ॐ स्रीं शिरसे स्वाहाॐ स्रूं शिखायै वषट् ॐ स्रैं कवचाय हुंॐ स्रौं नेत्राभ्यां वौषट् ॐ स्रः अस्त्राय पट्ॐ भूर्भुवस्सुवरोमिति दिग्बन्धः ॥ ध्यानम्जटामकुटसम्युक्तां स्थिरासन्समन्विताम् ।अभयं कटकञ्चैव पूर्णकुम्भं करद्वये ॥ कञ्चुकं सन्नवीतञ्च मौक्तिकञ्चापि धारिणीम् ।दीपचामरहस्ताभिः सेवितां पार्श्वयोर्द्वयोः ॥ बालसेनानिसङ्काशां करुणापूरिताननाम् ।महाराज्ञीं च सन्तानलक्ष्मीमिष्टार्थसिद्धये ॥ मूलमन्त्रम् – ॐ श्रीं सन्तानलक्ष्म्यै नमः । श्रीगजलक्ष्मीःअस्य श्रीगजलक्ष्मीमहामन्त्रस्य –शुक्र ऋषिः – अनुष्टुप् छन्दः – गजलक्ष्मीः देवता –कं बीजं – मं शक्तिः – लं कीलकं –श्रीगजलक्ष्मीप्रसादसिद्ध्यर्थे जपे विनियोगः ।ॐ क्रां अङ्गुष्ठाभ्यां नमः ।ॐ क्रीं तर्जनीभ्यां नमः ।ॐ क्रूं मध्यमाभ्यां नमः ।ॐ क्रैं अनामिकाभ्यां नमः ।ॐ क्रौं कनिष्ठिकाभ्यां नमः ।ॐ क्रः करतलकरपृष्ठाभ्यां नमः ॥ ॐ क्रां हृदयाय नमः ।ॐ क्रीं शिरसे स्वाहा ।ॐ क्रूं शिखायै वषट् ।ॐ क्रैं कवचाय हुं ।ॐ क्रौं नेत्राभ्यां वौषट् ।ॐ क्रः अस्त्राय पट् ।ॐ भूर्भुवस्सुवरोमिति दिग्बन्धः ॥ ध्यानम् ।चतुर्भुजां महालक्ष्मीं गजयुग्मसुपूजिताम् ।पद्मपत्राभनयनां वराभयकरोज्ज्वलाम् ॥ ऊर्ध्वं करद्वये चाब्जं दधतीं शुक्लवस्त्रकम् ।पद्मासने सुखासीनां गजलक्ष्मीमहं भजे ॥ मूलमन्त्रं – ॐ श्रीं गजलक्ष्म्यै नमः । श्रीधनलक्ष्मीःअस्य श्रीधनलक्ष्मीमहामन्त्रस्य –परब्रह्म ऋषिः – अनुष्टुप्छन्दः – श्रीधनलक्ष्मीः देवता –लं बीजं – धं शक्तिः – मं कीलकं –श्रीधनलक्ष्मीप्रसादसिद्ध्यर्थे जपे विनियोगः ।ॐ त्रां अङ्गुष्ठाभ्यां नमः ॐ त्रीं तर्जनीभ्यां नमःॐ त्रूं मध्यमाभ्यां नमः ॐ त्रैं अनामिकाभ्यां नमःॐ त्रौं कनिष्ठिकाभ्यां नमः ॐ त्रः करतलकरपृष्ठाभ्यां नमःॐ त्रां हृदयाय नमः ॐ त्रीं शिरसे स्वाहाॐ त्रूं शिखायै वषट् ॐ त्रैं कवचाय हुंॐ त्रौं नेत्राभ्यां वौषट् ॐ त्रः अस्त्राय फट्ॐ भूर्भुवस्सुवरोमिति दिग्बन्धः ॥ ध्यानम्किरीटमुकुटोपेतां स्वर्णवर्णसमन्विताम् ।सर्वाभरणसम्युक्तां सुखासनसमन्विताम् ॥ परिपूर्णञ्च कुम्भञ्च दक्षिणेन करेण तु ।चक्रं बाणञ्च ताम्बूलं तदा वामकरेण तु ॥ शङ्खं पद्मञ्च चापञ्च कुण्डिकामपि धारिणीम् ।सकञ्चुकस्तनीं ध्यायेत् धनलक्ष्मीं मनोहराम् ॥ मूलमन्त्रम् – ॐ श्रीं धनलक्ष्म्यै नमः । श्रीधान्यलक्ष्मीःअस्य श्रीधान्यलक्ष्मीमहामन्त्रस्य –परब्रह्म ऋषिः – अनुष्टुप्छन्दः – श्री धान्यलक्ष्मीः देवता –धं बीजं – लं शक्तिः – मं कीलकं –श्रीधान्यलक्ष्मीप्रसादसिद्ध्यर्थे जपे विनियोगः ।ॐ द्रां अङ्गुष्ठाभ्यां नमः ।ॐ द्रीं तर्जनीभ्यां नमः ।ॐ द्रूं मध्यमाभ्यां नमः ।ॐ द्रैं अनामिकाभ्यां नमः ।ॐ द्रौं कनिष्ठिकाभ्यां नमः ।ॐ द्रः करतलकरपृष्ठाभ्यां नमः ॥ ॐ द्रां हृदयाय नमः ।ॐ द्रीं शिरसे स्वाहा ।ॐ द्रूं शिखायै वषट् ।ॐ द्रैं कवचाय हुं ।ॐ द्रौं नेत्राभ्यां वौषट् ।ॐ द्रः अस्त्राय फट् ।ॐ भूर्भुवस्सुवरोमिति दिग्बन्धः ॥ ध्यानम् ।वरदाभयसम्युक्तां किरीटमकुटोज्ज्वलाम् ।अम्बुजञ्चेक्षुशालिञ्च कदम्बफलद्रोणिकाम् ॥ पङ्कजञ्चाष्टहस्तेषु दधानां शुक्लरूपिणीम् ।कृपामूर्तिं जटाजूटां सुखासनसमन्विताम् ॥ सर्वालङ्कारसम्युक्तां सर्वाभरणभूषिताम् ।मदमत्तां मनोहारिरूपां धान्यश्रियं भजे ॥ मूलमन्त्रम् – ॐ श्रीं धान्यलक्ष्म्यै नमः । श्रीविजयलक्ष्मीः ।अस्य श्रीविजयलक्ष्मीमहामन्त्रस्य –नारद ऋषिः – नाना छन्दांसि – श्रीविजयलक्ष्मीः देवता –लं बीजं – क्षं शक्तिः – यं कीलकं –सर्वकार्यसिद्धिद्वारा श्रीविजयलक्ष्मीप्रसादसिद्ध्यर्थे जपे विनियोगः ।ॐ व्रां अङ्गुष्ठाभ्यां नमः ।ॐ व्रीं तर्जनीभ्यां नमः ।ॐ व्रूं मध्यमाभ्यां नमः ।ॐ व्रैं अनामिकाभ्यां नमः ।ॐ व्रौं कनिष्ठिकाभ्यां नमः ।ॐ व्रः करतलकरपृष्ठाभ्यां नमः ॥ ॐ व्रां हृदयाय नमः ।ॐ व्रीं शिरसे स्वाहा ।ॐ व्रूं शिखायै वषट् ।ॐ व्रैं कवचाय हुं ।ॐ व्रौं नेत्राभ्यां वौषट् ।ॐ व्रः अस्त्राय फट् ।ॐ भूर्भुवस्सुवरोमिति दिग्बन्धः ॥ ध्यानम् ।अष्टबाहुयुतां देवीं सिम्हासनवरस्थिताम् ।सखासनां सुकेशीञ्च किरीटमुकुटोज्ज्वलाम् ॥ श्यामाङ्गीं कोमलाकारां सर्वाभरणभूषिताम् ।खड्गं पाशं तदा चक्रमभयं सव्यहस्तके ॥ खेटकञ्चाङ्कुशं शङ्खं वरदं वामहस्तके ।राजरूपधरां शक्तिं प्रभासौन्दर्यशोभिताम् ॥ हंसारूढां स्मरेद्देवीं विजयां विजयप्रदे ॥ मूल्मन्त्रं – ॐ श्रीं विजयलक्ष्म्यै नमः । श्रीधैर्य(वीर)लक्ष्मीःअस्य श्रीवीरलक्ष्मीमहामन्त्रस्य –नारद ऋषिः – त्रिष्टुप्छन्दः – श्रीवीरलक्ष्मीः देवता –लं बीजं – रं शक्तिः – लं कीलकं –आरोग्यभाग्यसिद्धिद्वारा श्रीवीरलक्ष्मीप्रसादसिद्ध्यर्थे जपे विनियोगः ।ॐ व्रां अङ्गुष्ठाभ्यां नमः ।ॐ व्रीं तर्जनीभ्यां नमः ।ॐ व्रूं मध्यमाभ्यां नमः ।ॐ व्रैं अनामिकाभ्यां नमः ।ॐ व्रौं कनिष्ठिकाभ्यां नमः ।ॐ व्रः करतलकरपृष्ठाभ्यां नमः ॥ ॐ व्रां हृदयाय नमः ।ॐ व्रीं शिरसे स्वाहा ।ॐ व्रूं शिखायै वषट् ।ॐ व्रैं कवचाय हुं ।ॐ व्रौं नेत्राभ्यां वौषट् ।ॐ व्रः अस्त्राय फट् ।ॐ भूर्भुवस्सुवरोमिति दिग्बन्धः ॥ ध्यानम् ।अष्टबाहुयुतां लक्ष्मीं सिम्हासनवरस्थिताम् ।तप्तकाञ्चनसङ्काशां किरीटमकुटोज्ज्वलाम् ॥ स्वर्णकञ्चुकसंयुक्तां सन्नवीततरां शुभाम् ।अभयं वरदं चैव भुजयोः सव्यवामयोः ॥ चक्रं शूलञ्च बाणञ्च शङ्खं चापं कपालकम् ।दधतीं धैर्यलक्ष्मीं च नवतालात्मिकां भजे ॥ मूलमन्त्रम् – ॐ श्रीं वीरलक्ष्म्यै नमः । श्री ऐश्वर्य(महा)लक्ष्मीःअस्य श्रीमहालक्ष्मीमहामन्त्रस्य –ब्रह्मा ऋषिः – जगती छन्दः – श्रीमहालक्ष्मीः देवता –ह्रां बीजं – ह्रीं शक्तिः – ह्रूं कीलकं –श्रीमहालक्ष्मीप्रसादसिद्ध्यर्थे जपे विनियोगः ।ॐ क्ष्रां अङ्गुष्ठाभ्यां नमः ।ॐ क्ष्रीं तर्जनीभ्यां नमः ।ॐ क्ष्रूं मध्यमाभ्यां नमः ।ॐ क्ष्रैं अनामिकाभ्यां नमः ।ॐ क्ष्रौं कनिष्ठिकाभ्यां नमः ।ॐ क्ष्रः करतलकरपृष्ठाभ्यां नमः ॥ ॐ क्ष्रां हृदयाय नमः ।ॐ क्ष्रीं शिरसे स्वाहा ।ॐ क्ष्रूं शिखायै वषट् ।ॐ क्ष्रैं कवचाय हुं ।ॐ क्ष्रौं नेत्राभ्यां वौषट् ।ॐ क्ष्रः अस्त्राय फट् ।ॐ भूर्भुवस्सुवरोमिति दिग्बन्धः ॥ ध्यानम् ।चतुर्भुजां द्विनेत्राञ्च वराभयकरान्विताम् ।अब्जद्वयकराम्भोजां अम्बुजासनसंस्थिताम् ॥ ससुवर्णघटोराभ्यां प्लाव्यमानां महाश्रियम् ।सर्वाभरणशोभाढ्यां शुभ्रवस्त्रोत्तरीयकाम् ॥ चामरग्रहनारीभिः सेवितां पार्श्वयोर्द्वयोः ।आपादलम्बिवसनां करण्डमकुटां भजे ॥ मूलमन्त्रम् – अं श्रीं श्रीमहालक्ष्म्यै नमः ॥ इति श्रीअष्टलक्ष्मीमहामन्त्रं सम्पूर्णम् ।

ShrIaShTalakShmImahAmantram:श्रीअष्टलक्ष्मीमहामन्त्रम् Read More »

Shri Sita Lakshmi Stotram: श्रीसीतालक्ष्मीस्तोत्रम्

Leave a Comment / LAKSHMI, MANTRA / KARMASU

Shri Sita Lakshmi Stotram: श्रीसीतालक्ष्मीस्तोत्रम् ॐ श्रीरामजयम् ।ॐ सद्गुरुश्रीत्यागराजस्वामिने नमो नमः । ॐ भूमिपुत्र्यै च विद्महे । रामपत्न्यै च धीमहि ।तन्नः सीता प्रचोदयात् ॥ सीता श्रीरामसज्जाया सानन्दवाक्स्वरूपिणी ।सा सम्पूर्णसुमाङ्गल्या ज्वलदग्निशुचिस्फुरा ॥ १॥ (१) मदम्बा श्रीमहालक्ष्मीर्मच्चित्तविलसत्प्रभा ।क्षमागुण्यातिसान्त्वा मा सहजस्थितसद्गुणा ॥ २॥ क्षपानाथप्रभारूपा चन्द्रार्कमुखमण्डला ।सानसीविग्रहाभासा चारुसारप्रभासिनी ॥ ३॥ पदकोकनदात्नाभा पदाम्बुजसुलक्षणा । (२)पदपावित्र्यलक्षण्या पदाश्रितसुरक्षणा ॥ ४॥ कराम्भोजाभयादात्री स्मिताम्भोरुहलोचनी ।करुणामयवीक्षण्या नयनाब्जविमोचनी ॥ ५॥ सौन्दर्यदेवता सीता क्ष्मापुत्री जनकात्मजा ।शिवचापलघूद्धारा कोमला शक्तिशालिनी ॥ ६॥ श्रीरामतन्मया सीता रामपत्नी लसच्छविः ।कल्याणरामसाराध्या सीता भव्यसुरूपिणी ॥ ७॥ वैदेही मृदुसद्वाणी ऐहिकापरपूरणी ।रामप्रेष्ठा महाराज्ञी पूर्णसद्भक्तिकारिणी ॥ ८॥ रामनामसुधापाना नामसारप्रमोदिता ।नामसद्ध्यानसँल्लीना दहराकाशदर्शना ॥ ९॥ श्रीरामपूर्णसच्चित्ता श्रीरामानन्यचिन्तना ।श्रीरामकीर्तिसम्मूला रामेण सह चारिणी ॥ १०॥ रामावतारसम्पूर्णा रामायणसुबीजता । (३)श्रीरामाभिन्नदिव्याभा साक्षात् ब्रह्मस्वरूपिणी ॥ ११॥ सुस्वराजितमाधुर्या सङ्गीतमृदुलस्वरा ।श्रीत्यागब्रह्मसङ्गीता गुरुस्वामिसुकीर्तिता ॥ १२॥ त्यागराजगुरुस्वामिशिष्यापुष्पासुसंस्तुता ।बालालापस्तुतिप्रीता पुत्रीपुष्पाबहुप्रिया ॥ १३॥ मयेति कीर्तिते मातर्मच्चित्तं परिपूरय ।चित्तप्रसादनं मातः कुरु मे भक्तिवर्धनम् ॥ १४॥ मङ्गलं रामसत्यै च सीतालक्ष्म्यै सुमङ्गलम् ।मङ्गलं मम मात्रे च महालक्ष्म्यै सुमङ्गलम् ॥ १५॥ सीतास्तोत्रं सुसम्पूर्णं सीतानुग्रहकारकम् ।सीतानुग्रहसम्भावं सर्वमङ्गलदायकम् ॥ १६॥ इति सद्गुरुश्रीत्यागराजस्वामिनः शिष्यया भक्तया पुष्पया कृतंश्रीसीतालक्ष्मीस्तोत्रं गुरौ समर्पितम् ।ॐ शुभमस्तु ।

Shri Sita Lakshmi Stotram: श्रीसीतालक्ष्मीस्तोत्रम् Read More »

Lakshmihayagriva PrabodhikastutiH:लक्ष्मीहयग्रीवप्राबोधिकस्तुतिः

Leave a Comment / LAKSHMI, MANTRA / KARMASU

Lakshmihayagriva PrabodhikastutiH:लक्ष्मीहयग्रीवप्राबोधिकस्तुतिः ज्ञानानन्दमयं देवं निर्मलस्फटिकाकृतिम् ।आधारं सर्वविद्यानां हयग्रीवमुपास्महे ॥ विशुद्धविज्ञानघनस्वरूपं विज्ञानविश्राणनबद्धदीक्षम् ।दयानिधिं देहभृतां शरण्यं देवं हयग्रीवमहं प्रपद्ये ॥ १॥ प्राची सन्ध्या काचिदन्तर्निशायाः प्रज्ञादृष्टेरञ्जनश्रीरपूर्वा ।वक्त्री वेदान्भातु मे वाजिवक्त्रा वागीशाख्या वासुदेवस्य मूर्तिः ॥ २॥ कौसल्या सुप्रजा राम पूर्वा सन्ध्या प्रवर्तते ।उत्तिष्ठ नरशार्दूल कर्तव्यं दैवमान्हिकम् ॥ ३॥ वीर सौम्य विबुध्यस्व कौसल्यानन्दवर्धन ।जगद्धिसर्वं स्वपिति त्वयि सुप्ते नरोत्तम ॥ ४॥ यामिन्यपैति यदुनायक मुञ्च निद्रा- मुन्मेषपृच्छति नवोन्मिषितेन विश्वम् ।जातस्स्वयं खलु जगद्धितमेव कर्तुं धर्मप्रवर्तनधिया धरणीतलेऽस्मिन् ॥ ५॥ सुखाय सुप्रातमिदं तवास्तु जगत्पते जागृहि नन्दसूनो ।अम्भोजमन्तश्शयमञ्जुतारारोलम्बमुन्मीलतु लोचनं ते ॥ ६॥ करुणावरुणालयाम्बुजश्रीस्फुरणाहङ्कृतिहारिलोचनश्रीः ।चरणाब्जनतार्तिभारहारिंस्तव भूयातुरगास्य सुप्रभातम् ॥ १॥ पुरःप्रबुद्धाम्बुधिराजकन्यामुखाब्जनिश्वासमिवानुकुर्वन् ।मरुत्सुगन्धिः प्रतिवाति मन्दं हयाननस्तात्तव सुप्रभातम् ॥ २॥ त्वद्दीप्तया प्रविमलया जितः किलासावाहोस्वित्तव दयितामुखाम्बुजेन ।पाश्चात्ये पतति पयोनिधौ सुधांशुर्भूयात्ते सपदि हयास्य सुप्रभातम् ॥ ३॥ वरदानकृतिन् स्मरदार्ततरद्विरदाघहृतिस्फुरदादरण ।इति सन्मतयो यतयः प्रवदन्त्यधुना मधुनाशन जागृहि भोः ॥ ४॥ समर्चने ते कृतकौतुकेन सजीकृतं शोणमणीन्द्रपीठम् ।हंसेन किं सान्ध्यमहो विभाति हयास्य भूयात्तव सुप्रभातम् ॥ ५॥ हरिर्हरिर्हरिरिति मञ्जुभाषितं द्विजावलेस्सपदि निशम्य कौतुकात् ।द्विजव्रजोऽप्यनुवदतीव कूजितैर्हयाननानघगुण जागृहि प्रभो ॥ ६॥ प्राचीं वधू सपदि मित्रकरग्रहार्थं सन्ध्यावधूस्स्वरुचिकुङ्कुमपङ्कसान्दैः ।प्रालेयमङ्गलजलैरभिषिञ्चतीव श्रीमन् हयास्य भवतात्तव सुप्रभातम् ॥ ७॥ कुमुदवनं विमुच्य नवपङ्कजषण्डमिमाः ।सपदि समाश्रयन्ति मुदिता भ्रमरावलयः ॥ भुवि निखिलोऽपि चाश्रयति सश्रियमेव जनो ।हयवदनाद्य जागृहि हरे करुणैकनिधे ॥ ८॥ फुल्लत्पङ्कजरत्नपात्रनिवहानासाद्य हृद्यश्रियःसौगन्ध्याढ्यमरन्ददिव्यसलिलैरापूरितानादरात् ।हंसास्त्वामिव पूजयन्ति विरुतव्याजात्पठन्तो मनून्सुस्नातास्सरसीषु वाहमुख ते सुप्रातरस्तु प्रभो ॥ ९॥ उच्चलन्मधुकरौघमञ्जुलं पद्ममुल्लसति पूजनाय ते ।धूपपात्रमिव हंससज्जितं सुप्रभातमिह ते हयानन ॥ १०॥ इन्दीवराणामिव कान्तिरद्य मन्दीभवन्ती व्यपयातु निद्रा ।फुल्लत्विदं पद्ममिवाक्षियुग्मं हयास्य ते सम्प्रति सुप्रभातम् ॥ ११॥ एते, वेत्रहतित्रुटत्पटुमहाकोटीरकोटीमणि-श्रेणीभिस्तव मन्दिरस्य ददतो द्वाराय नीराजनम् ।काक्षन्ति प्रतिबोधकालमिह ते सर्वेऽपि लोकाधिपाःतानेतान्करुणावलोकनलवैर्धन्यान्विधेहि प्रभो ॥ १२॥ अक्षीणे मयि तिष्ठ किं विहरसे सङ्क्षीयमाणे मुहु-र्बिम्बेऽस्मिन्निति देवदेव नितरां त्वत्प्रार्थनायागतम् ।चान्द्रम्बिम्बमिदं वदन्ति हि परं मोदार्पणं दर्पणंदृष्टिं न्यस्य कृपानिधेऽत्र भगवन्प्राबोधिकीं श्रीपते ॥ १३॥ निद्राशेषकषायितैस्सुललितैरुद्यद्दयाप्यायितै-र्दिव्यापाङ्गझरैस्त्वदर्चनकृते द्वार्यत्र बद्धाञ्जलीन् ।आचार्यान्निगमान्तदेशिकमुखानाधत्स्व सुस्नापितान् ।सुप्रातं तुरगास्य तेऽस्तु करुणासिन्धो दिनं श्रीपते ॥ १४॥ इदं कुम्भद्वन्द्वं घुसृणमसृणस्मेरसलिलम्प्रतीहारे लक्ष्मीस्तनयुगमनोहारि लसति ।इयं गौस्सद्वत्सा परिजनसमूहोऽपि निभृतोदिनं सुप्रातं ते भवतु करुणाब्धे हयमुख ॥ १५॥ रविमण्डलीमिदानीमुदयमहीभृत्तवाभिषेकार्थम् ।कनककलशीमिव वहत्यस्तु हयग्रीव सुप्रभातं ते ॥ १६॥ अनुचित इव सेवने त्वदीये प्रमदभरादिह पञ्चमं विहाय ।विदधति किल वैणिकाश्च गान हयवदनाद्य तवास्तु सुप्रभातम् ॥ १७॥ पिकनिकरमदविधूननगानमनोहरमुदारसुकुमारम् ।धन्यं कन्याद्वन्द्वं त्वां नीराजयति जागृहि हयास्य ॥ १८॥ काहलडिण्डिममण्डलमर्दलपणवाद्यहृद्यवाद्यानाम् ।संस्पर्ध एव निनदा जृम्भन्ते तुरगवदन बुध्यस्व ॥ १९॥ तव तनुरुचिसाधर्म्यात्संहृष्टे नर्तनं किलातनुतः ।द्वारभुवि चामरे द्वे हयवदन तवास्तु सुप्रभातमिह ॥ २०॥ त्वत्पादाम्भोजयुग्मं परिचरितुमना मूर्ध्नि बद्धाञ्जलिस्सन्श्रीकृष्णब्रह्मतन्त्राग्रिमपदकलिजित्संयमी त्वां स्तवीति ।त्वत्सेवायै समुद्यन्निरवधिकमहानन्दथुस्तिष्ठतीहश्रीमान्कृष्णावनीन्द्रो हयवदन तव श्रीश सुप्रातरस्तु ॥ २१॥ जयजय नित्यसूक्तिललनामणिमौलिमणेजयजय भक्तसंहतिभवाब्धिमहातरणे ।जयजय वेदमौलिगुरुभाग्यदयाजलधेजयजय वाजिवक्त्र परकालयतीन्द्रनिधे ॥ २२॥ इति श्रीकृष्णब्रह्मतन्त्रपरकालयतीन्द्रकृतिषुश्रीहयग्रीवप्राबोधिकस्तुतिस्समाप्ता ॥

Lakshmihayagriva PrabodhikastutiH:लक्ष्मीहयग्रीवप्राबोधिकस्तुतिः Read More »

ShrIlakShmIhayavadanaratnamAlAstotram:श्रीलक्ष्मीहयवदनरत्नमालास्तोत्रम्

Leave a Comment / LAKSHMI, MANTRA / KARMASU

shrIlakShmIhayavadanaratnamAlAstotram:श्रीलक्ष्मीहयवदनरत्नमालास्तोत्रम् ॥ श्रीः ॥ श्रीलक्ष्मीहयवदनपरब्रह्मणे नमः ।श्रीमते श्रीकृष्णब्रह्मतन्त्रपरकालयतीन्द्रमहादेशिकाय नमः ।श्रीमन्महाभारते शान्तिपर्वणि मोक्षधर्मे नारायणाख्याने हयशिरउपाख्यानस्य व्याख्याने हयशिरोरत्नभूषणे तद्विवरणदीधितौ चपरिशीलितानां श्रुतीनामर्थस्य सङ्ग्राहकश्रीलक्ष्मीहयवदनरत्नमालास्तोत्रम् । वागीशाख्या श्रुतिस्मृत्युदितशुभतनोवसुदेवस्य मूर्तिःज्ञाता यद्वागुपज्ञं भुवि मनुजवेरैर्वाजिवक्त्रप्रसादात् ।प्रख्याताश्चर्यशक्तिः कविकथकहरिः सर्वतन्त्रस्वतन्त्रःत्रय्यन्ताचार्यनामा मम हृदि सततं देशिकेन्द्रः स इन्धाम् ॥ १॥ सत्वस्थं नाभिपद्मे विधिमथ दितिजं राजसं तामसं चा-ब्बिन्द्वोरुत्पाद्य ताभ्यामपहृतमखिलं वेदमादाय धात्रे ।दत्त्वा द्राक्तौ च हत्वा वरगणमदिशद्वेधसे सत्र आदौतन्त्रं चोपादिशद्यस्स मम हयशिरा मानसे सन्निधत्ताम् ॥ २॥ अध्यास्तेऽङ्कं परावाग् वरहयशिरसो भर्तुराचार्यके यावाञ्छावानैतरेयोपनिषदि चरमात्प्राक्तने खण्ड आदौ ।यस्या वीणां च दैवीं मनसि विनिदधत्ख्यातिमेत्यन्त्यमन्त्रेसेशाना सर्ववाचो मम हृदयगता चारु मां वादयेद्वाक् ॥ ३॥ कृष्णं विप्रा यमेकं विदुरपि बहुधा वेदयो (रैतरेये) रादिमान्तेस्रष्टा विस्रंसमानस्स्वमथ समदधाच्छन्दसां येन दानात् ।कृष्ण विष्णुं च जिष्णुं कलयितुरपि यत्संहितामायुरुक्तंवाक्श्लिष्टं प्राणमेनं हयमुखमनुसन्दध्महे किं वृथाऽन्यैः ॥ ४॥ प्रख्याता याऽऽश्वलायन्यधिकफलदशश्लोक्यभिख्या तदन्तःश्रुत्युक्ता वाक् सरस्वत्यपि हयमुख ते शक्तिरन्या न युक्ता ।पूर्णा त्वच्छक्तिरर्धं भवति विधिवधूर्या नदी सा कलास्याइत्युक्ते ब्रह्मवैवर्त इह समुदिता स्यात्परा निम्नगाऽन्या ॥ ५॥ श्रीहर्षों विष्णुपत्नीं वदति कविरिमा नैषधे मल्लिनाथःख्यातामेतां पुराणे हयमुख भुवि च स्थापितां विष्णुपार्श्वे ।धीवाग्मित्वार्थजप्यं दिनमुखसमये शौनकस्सूक्तमत्याःश्रीयुक्तं बह्वृचस्स स्मृतिकृदपि तदा चिन्तनीयं तथैनाम् ॥ ६॥ वागाम्भृण्यादिसूक्ते निरवधिमहिमा या श्रुता वाक् च देवीपूर्वे सूक्तेऽपि हंसस्त्वमधिकमहिमा विश्रुतो बह्वृचैर्यः ।युक्तावारण्यके तौ कथितबहुगुणौ सामनी संहितेत्य-प्याराध्यो व्यूहरूपी हयमुखविदितो ज्ञानिनां कर्मभिस्त्वम् ॥ ७॥ इन्द्रो वृत्रं हनिष्यन् सखिवर वितरं विक्रमस्वेति विष्णुंसम्प्रार्थ्यातो हतारिस्तत उपजनितब्रह्महत्त्यापनुत्त्यै ।सूक्ताभ्यामाहुतिं यं प्रति परमजुहोन्मूर्ध्नि गन्धर्व एकोदेवानां नामधारी स मम दृढमतावद्य वाचस्पतिस्तात् ॥ ८॥ वेदे चाथर्वणाख्ये प्रथमत उदितं यत्त्रिषप्तीयसूक्तंतन्मेधाजन्मकर्माङ्गमिति निगदितं कौशिकेन स्वसूत्रे ।मेधाकामः पुमान् यस्तुरगमुख ततस्सर्वलोकाधिनाथंध्यायेद्वाचस्पतिं त्वां प्रभवति सकलस्तच्छृतार्थोऽप्रकम्प्यः ॥ ९॥ नासन्नो सत्तदानीमपि तु कमलयाऽवातमेकं तदानीत्तस्माद्धान्यत्परं किञ्चिदपि न तमसा गूढमग्रे प्रकेतम् ।अद्धा को वेद हेतुं द्विविधमविगुणं वासुदेवाभिधानंव्यूहं त्वां प्रातरर्च्यं हयमुख भगमाहुः क्रमात्तैत्तिरीयाः ॥ १०॥ प्रातःपूज्यं भगाख्यं प्रथममकथयन् बह्वृचाः पञ्चमेऽथोनासत्सूक्तेऽष्टमे प्राग्वदपि समवदन् तैतिरीयक्रमात्त्वाम् ।पाराशर्योऽवतीर्णं वदति हयमुखाथर्वणः कौशिकस्त्वाम्मेधार्थं प्रातरर्च्यं भगमनुमनुते संहिताऽप्याह साधु ॥ ११॥ प्रद्युम्नान्तं त्रिपाद्भास्वरवपुरमृतं वासुदेवादिवृन्देपादस्तत्रानिरुद्धो भुवि तत उदभूदात्मभूऋग्विधिज्ञाः ।हुत्वा त्वां यज्ञरूपं हयवदन जितन्ते स्तुतिं तन्वतेऽतःनिर्णीतं सर्ववेदेष्वनुपममिति तत्पौरुष सूक्तमाप्तैः ॥ १२॥ सर्वे वेदाः प्रजाश्च प्रचुरबहुभिदाः संश्रयन्ते यमेकम् ।शास्ता योऽन्तःप्रविष्टस्स्वयमपि दशधात्माचरत्यर्णवे यम् ।ब्रह्मा चैकोन्वविन्दद्धरिमिह दशहोतारमन्तश्च चन्द्रेदेवास्सन्तं सहैनं न हि विदुरवतात्सोऽद्य वाचस्पतिर्माम् ॥ १३॥ यस्माद्ब्रह्मा च रुद्रस्सकलजगदिदं जायतेऽन्तर्बहिर्यत्व्याप्त्या सत्तां च यस्मिन् लयमपि लभते यश्चतुर्वेदमूर्तिः ।विष्णुर्नारायणोऽष्टाक्षरपदविदितो देवकीपुत्र एकोयोथार्वाङ्गे मधोः सूदन उपनिषदि ज्ञायते मे स इन्धाम् ॥ १४॥ शक्तिः स्वाभाविकी सात्र च विविधपरा श्रूयते ज्ञानमेवंत्रेधा तत्र क्रियेत्थं बलमपि तदसौ वासुदेवः स हंसः ।यो ब्रह्माणं विधाय प्रथममथ परान् प्राहिणोत्सर्ववेदान्तस्मै देवं प्रपद्ये शरणमहमिमं चामृतस्यैष सेतुः ॥ १५॥ वम्र्यो विष्णोर्धनुर्ज्यां हयवदन वरान्नेच्छया चिच्छिदुस्तत् ।कोट्या च्छिन्नं च विष्णोः शिर इति गदितं यत्प्रवर्ग्यार्थवादे ।तच्छीर्षं याजमानं श्रुतिमुखत इदं स्थापित युक्तितोऽपिप्रादुर्भावः स गौणो बहुमुखहरिवंशादिनिर्धारितो वा ॥ १६॥ शुक्लं वेदं विवस्वानुपदिशसि परं याज्ञवल्क्याय वाजीवेदैकार्थैर्वचोभिर्मितमिदमखिलाम्नायधीकारिणीं याम् ।वाग्देवीं मोक्षधर्मे कथयति मुनिराट् तत्कृपालब्धभूमात्वच्छक्तिस्सेत्यकम्प्यं हयमुख गदितं ब्रह्मवैवर्तवाग्भिः ॥ १७॥ तस्माद्वेदेऽपि तत्रोपनिषदि बृहदारण्यके काण्ड आत्मात्वं वाग्देव्या सहादौ जनयसि मिथुनीभूय सर्वांश्च वेदान् ।धातारं तस्य पत्नीं तदनु तदुभयद्वारिकां व्यष्टिसृष्टिंतद्यज्ञाराधितोऽस्मै हयवदन वरान्यच्छसीति प्रतीमः ॥ १८॥ तुर्येऽध्याये द्वितीयं तुरगमुख शिशुब्राह्मण व्यूहरूपम्प्राण स्थूणां शिशुं त्वां चमसमपि शिरोऽर्वाग्बिलं चोर्ध्वबुध्नम् ।सप्तानां देवतानामधिकरणममित्रेन्द्रियाणां जयार्थंवाचाष्टम्या युतं त्वां परिकलयति तद्ब्रह्म भक्तार्तिहारि ॥ १९॥ दध्यङ्ङाथर्वणोश्वित्रिदशकृतशिरोधारणादश्वमूर्ध्नाताभ्यां प्रावर्ग्यतत्त्वं हयमुख समुपादिक्षदेतद्यथार्थम् ।एतावत्येव तत्त्वे कलिबलवशतस्तामसाश्शक्त्यधीनंभावत्कं शीर्षमाहुर्भुवि जनिसमये त्वत्कटाक्षातिदूराः ॥ २०॥दध्यङ्ङाथर्वणो यो हयमुख बृहदारण्यके काण्ड आदौआह प्रावर्ग्यतत्त्वं यदपि शतपथे दीक्षणीयार्थवादे ।विष्ण्वाख्यं तत्त्वमुक्तं पुनरुपनिषदि ब्रह्म वागीशरूपंयच्च प्रोक्तं तृतीये तदपि च स मधुब्राह्मणे वक्ति तुर्ये ॥ २१॥ वाचा देव्यानिरुद्धेन च सृजति जगत्सर्वमित्यग्र उक्तोवाहास्यो वासुदेवः स पर इति मधुब्राह्मणं स्थापयित्वा ।दध्यङ्ङाथर्वणोश्वित्रिदशहितमधुत्वाष्ट्रकक्ष्योपदेष्टातत्त्वं जानाति चेत्यप्यखिलशुभतनुं वक्ति वागीश्वरं त्वाम् ॥ २२॥ दध्यङ्ङाथर्वणोऽसावुपदिशति मधुब्राह्मणं त्वाष्ट्रकक्ष्यंयत्तन्नारायणाख्यं कवचमिति समाधुष्यते सात्विकाग्र्यैः ।वृत्रस्येदं वधायालमिति हयमुख ब्रह्मविद्येति तत्त्वंवागीशैते न जानन्त्यनघ तव कृपाबाह्यतां ये प्रयाताः ॥ २३॥ तत्त्वं नारायणाख्योपनिषदि कथितं पञ्चरात्रोक्तरीत्यातन्नामाख्यान आहाश्वमुख विशदमाद्यं च धर्मं मुनीन्द्रः ।गीतायां सङ्गृहीतं विशदयितुमनाः कृष्ण वाहाननैक्यंब्रूते वेदोदितत्वं स्थिरयति च तदत्रोक्त एकान्तिधर्मे ॥ २४॥ आदौ नारायणं तं वदति मधुजितं देवकीपुत्रमन्तेवेदान्तो मोक्षधर्मे वरहयशिरसं प्राह कृष्णस्स्वमेव ।इत्यालोच्यैव योगी कलिजिदभिजगौ तत्क्रमात् स्तौति मध्येवाहास्य त्वां शठारिर्मुनिरपि मनुतेऽश्वं पुरः कृष्णमन्ते ॥ २५॥ जन्मादीनां निदानं कतिचिदकथयन् देवमेकं तथाऽन्येदेवीमेकां विदुस्तन्मिथुनमविकलं ब्रह्म वेदान्तवेद्यम् ।इत्येवं स्थापयित्वा चिदचिदवियुतं श्रीमदेकं तदित्य-प्याचख्यौ मोक्षधर्मे हयमुखजनिवृत्तापदेशान्मुनीन्द्रः ॥ २६॥ श्रावण्यां तेऽवतारे हयमुख निगमोद्धारणार्थत्वबुद्धेःऋग्वेदोपक्रमस्तच्छ्रवणभ इति निश्चिन्वते बह्वृचाग्र्याः ।प्रारम्भो पौर्णमास्यां यजुष इति परे याजुषाः सङ्गिरन्तेतद्वेदोपक्रमान्ते भुवि विधिवशगास्त्वां समाराधयन्ति ॥ २७॥ विष्णोः पत्नी परा वागिति बहुमनुते भारती यां यदींशःपत्युः प्राक्पञ्चरात्रं श्रुतिमपि समुपादिक्षदित्यादरेण ।तद्वागाश्लिष्टमूर्तिं हयशिरस उपाराधयन्ती निशम्यश्रीभाष्यं लक्ष्मणाय स्वपतिविदित यत्याकृतिं बिभ्रतेऽदात् ॥ २८॥ वागीशानस्य मन्त्रं श्रुतिशिखरगुरुस्तार्क्ष्यलक्षं जपित्वाप्राप्तं तत्काललालामृतमपिबदहीन्द्राख्यपुर्यां यतीन्दोः ।मातुर्भ्रातुस्तनूजोत्तमगुणकुरुकाधीशवंश्यार्चितां त-न्मूर्ति सम्प्राप्य काञ्चयां स्वयमपि चिरमाराधयद्भक्तिभूम्ना ॥ २९॥ काले वेदान्तसूरिस्स्वपदमुपगतं ब्रह्मतन्त्रस्वतन्त्रंशिष्याग्र्यं मूर्तिमेनां समनयदथ तच्छात्रपारम्परीतः ।सेयं वागीशमूर्तिर्गुरुवरपरकालादिभिः सेव्यमानारम्यास्थान्यां त्रिकालं विलसति विहितार्चाद्य कर्णाटदेशे ॥ ३०॥ धर्मं पूर्वाश्रमोक्तं सुकरमपि न कृत्वाऽन्तिमोक्तस्य तस्या-नुष्ठानेऽशक्तिभीतं यमुखकृपणं लम्भयित्वाऽऽश्रमं तम् ।शोभोद्रेकादिनाऽर्चाविशय उपगते लक्ष(कोटि)पूजां तुलस्यास्वोपाख्या व्याकृतिं चाकलयसि कियती मय्यनर्घा दया ते ॥ ३१॥ इत्थं वागीशपादूयुगलसततसंसेवनार्चादिदीक्षःतत्रैतां नव्यरङ्गेश्वरयतिरनघामार्पयद्रत्नमालाम् ।एनां नित्यं पठन्तो भुवि मनुजवरा भक्तिभूनेप्सितार्थान्सर्वान् विन्दन्ति वाहाननवरकरुणापाङ्गधाराभिषेकात् ॥ ३२॥ इति श्रीलक्ष्मीहयग्रीवदिव्यपादुकासेवक-श्रीमदभिनवरङ्गनाथब्रह्मतन्त्रपरकालमहादेशिककृतिषुश्रीलक्ष्मीहयवदनरत्नमालास्तोत्रं समाप्तम् ।

ShrIlakShmIhayavadanaratnamAlAstotram:श्रीलक्ष्मीहयवदनरत्नमालास्तोत्रम् Read More »

श्रीलक्ष्मीस्तुतिःShri Lakshmistutih

Leave a Comment / LAKSHMI, MANTRA / KARMASU

श्रीलक्ष्मीस्तुतिःShri Lakshmistutih जयन्ति जगतां मातुः स्तनकुङ्कुमबिन्दवः ।मुकुन्दाश्लेषसङ्क्रान्तकौस्तुभश्रीविडम्बनः ॥ १॥ पायात्पयोधिदुहितुः कपोलामलचन्द्रमाः ।यत्र सङ्क्रान्तबिम्बेन हरिणा हरिणायितम् ॥ २॥ देवेऽर्पितवरणस्रजि बहुमाये वहति कैटभीरूपम् ।जयति सुरासुरहसिता लज्जाजिह्मेक्षणा लक्ष्मीः ॥ ३॥ तल्पीकृताहिरगणितगरुडो हाराभिहतविधिर्जयति ।फणशतपीतश्वासो रागान्धायाः श्रियः केलिः ॥ ४॥ स्मेराननेन हरिणा सस्पृहमाकारवेदिनाऽऽकलितम् ।जयति पुरुषायितायाः कमलायाः कैटभीध्यानम् ॥ ५॥ कमलासनकमलेक्षणकमलारिकिरीटकमलभृद्वाहैः ।नुतपदकमला कमला करधृतकमला करोतु मे कमलम् ॥ ६॥ किञ्जल्कराजिरिव नीलसरोजलग्नालेखेव काञ्चनमयी निकषोपलस्था ।सौदामिनी जलदमण्डलगामिनीवपायादुरःस्थलगता कमला मुरारेः ॥ ७॥ दन्तैः कोरकिता स्मितैर्विकसिता भ्रूविभ्रमैः पत्रितादोर्भ्यां पल्लविता नखैः कुसुमिता लीलाभिरुद्वेलिता ।उत्तुङ्गस्तनमण्डलेन फलिता भक्ताभिलाषे हिताकाचित्कल्पलता सुरासुरनुता पायात्सुधाब्धेः सुता ॥ ८॥ उत्तुङ्गस्तनमण्डलोपरिलसत्प्रालम्बमुक्तामणेःअन्तर्बिम्बितमिन्द्रनीलनिकरच्छायानुकारिद्युति ।लज्जाव्याजमुपेत्य नम्रवदना स्पष्टं मुरारेर्वपुःपश्यन्ती मुदिता मुदेऽस्तु भवतां लक्ष्मीर्विवाहोत्सवे ॥ ९॥ आख्याते हसितं पितामह इति त्रस्तं कपालीति चव्यावृत्तं गुरुरित्ययं दहन इत्याविष्कृता भीरुता ।पौलोमीपतिरत्यसूयितमथ व्रीडाविनम्रश्रियापायाद्वः पुरुषोत्तमोऽयमिति यो न्यस्तः स पुष्पाञ्जलिः ॥ १०॥ क्रीडाभिन्नहिरण्यशुक्तिकुहरे रक्तात्मनावस्थितान्हारं हारमुदारकुङ्कुमरसानव्याजभव्यान्नखैः ।वीरश्रीकुचकुम्भसीम्नि लिखतो वीरस्य पत्रावलीःतत्कालोचित भावबन्धमधुरं मन्दस्मितं पातु वः ॥ ११॥ पद्मायाः स्तनहेमसद्मनि मणिश्रेणीसमाकर्षकेकिञ्चित्कञ्चुकसन्धिसन्निधिगते शौरेः करे तस्करे ।सद्यो जागृहि जागृहीति वलयध्वानैर्ध्रुवं गर्जताकामेन प्रतिबोधिताः प्रहरिका रोमाङ्कुराः पान्तु वः ॥ १२॥ यादृग्जानासि जाम्बूनदगिरिशिखरे कान्तिरिन्दोः कलानांइत्यौत्सुक्येन पत्यौ स्मितमधुरमुखाम्भोरुहं भाषमाणे ।लीलादोलायमानश्रुतिकमलमिलद्भृङ्गसङ्गीतसाक्षीपायादम्भोधिजायाः कुसुमशरकलानाट्यनान्दीनकारः ॥ १३॥ उत्तिष्ठन्त्या रतान्ते भरमुरगपतौ पाणिनैकेन कृत्वाधृत्वा चान्येन वासो विगलितकबरीभारमंसे वहन्त्याः ।भूयस्तत्कालकान्तद्विगुणितसुरतप्रीतिना शौरिणा वःशय्यामालिङ्ग्य नीतं वपुरलसलसद्बाहु लक्ष्म्याः पुनातु ॥ १४॥ इति श्रीलक्ष्मीस्तुतिः समाप्ता ।

श्रीलक्ष्मीस्तुतिःShri Lakshmistutih Read More »

श्रीकनकधारास्तोत्रम्:Shri Kanakadhara Stotra

Leave a Comment / LAKSHMI, MANTRA / KARMASU

श्रीकनकधारास्तोत्रम्:Shri Kanakadhara Stotra वन्दे वन्दारुमन्दारमिन्दिरानन्दकन्दलम् ।अमन्दानन्दसन्दोहबन्धुरं सिन्धुराननम् ॥ अङ्गं हरेः पुलकभूषणमाश्रयन्तीभृङ्गाङ्गनेव मुकुलाभरणं तमालम् ।अङ्गीकृताखिलविभूतिरपाङ्गलीलामाङ्गल्यदाऽस्तु मम मङ्गलदेवतायाः ॥ १॥ मुग्धा मुहुर्विदधती वदने मुरारेःप्रेमत्रपाप्रणिहितानि गतागतानि ।माला दृशोर्मधुकरीव महोत्पले यासा मे श्रियं दिशतु सागरसम्भवायाः ॥ २॥ विश्वामरेन्द्रपदविभ्रमदानदक्षंआनन्दहेतुरधिकं मुरविद्विषोऽपि ।ईषन्निषीदतु मयि क्षणमीक्षणार्धम्इन्दीवरोदरसहोदरमिन्दिरायाः ॥ ३॥ आमीलिताक्षमधिगम्य मुदा मुकुन्दंआनन्दकन्दमनिमेषमनङ्गतन्त्रम् ।आकेकरस्थितकनीनिकपक्ष्मनेत्रंभूत्यै भवेन्मम भुजङ्गशयाङ्गनायाः ॥ ४॥ बाह्वन्तरे मधुजितः श्रितकौस्तुभे याहारावलीव हरिनीलमयी विभाति ।कामप्रदा भगवतोऽपि कटाक्षमालाकल्याणमावहतु मे कमलालयायाः ॥ ५॥ कालाम्बुदालिललितोरसि कैटभारेःधाराधरे स्फुरति या तडिदङ्गनेव ।मातुस्समस्तजगतां महनीयमूर्तिःभद्राणि मे दिशतु भार्गवनन्दनायाः ॥ ६॥ प्राप्तं पदं प्रथमतः खलु यत्प्रभावात्माङ्गल्यभाजि मधुमाथिनि मन्मथेन ।मय्यापतेत्तदिह मन्थरमीक्षणार्धंमन्दालसं च मकरालयकन्यकायाः ॥ ७॥ दद्याद्दयानुपवनो द्रविणाम्बुधारांअस्मिन्नकिञ्चनविहङ्गशिशौ विषण्णे ।दुष्कर्मघर्ममपनीय चिराय दूरंनारायणप्रणयिनीनयनाम्बुवाहः ॥ ८॥ इष्टाविशिष्टमतयोऽपि यया दयार्द्र-दृष्ट्या त्रिविष्टपपदं सुलभं लभन्ते ।दृष्टिः प्रहृष्टकमलोदरदीप्तिरिष्टांपुष्टिं कृषीष्ट मम पुष्करविष्टरायाः ॥ ९॥ गीर्देवतेति गरुडध्वजसुन्दरीति (गरुडध्वजभामिनीति)शाकम्भरीति शशिशेखरवल्लभेति ।सृष्टिस्थितिप्रलयकेलिषु संस्थितायैतस्यै नमस्त्रिभुवनैकगुरोस्तरुण्यै ॥ १०॥ श्रुत्यै नमोऽस्तु शुभकर्मफलप्रसूत्यैरत्यै नमोऽस्तु रमणीयगुणार्णवायै ।शक्त्यै नमोऽस्तु शतपत्रनिकेतनायैपुष्ट्यै नमोऽस्तु पुरुषोत्तमवल्लभायै ॥ ११॥ नमोऽस्तु नालीकनिभाननायैनमोऽस्तु दुग्धोदधिजन्मभूम्यै ।नमोऽस्तु सोमामृतसोदरायैनमोऽस्तु नारायणवल्लभायै ॥ १२॥ सम्पत्कराणि सकलेन्द्रियनन्दनानिसाम्राज्यदानविभवानि सरोरुहाक्षि । (सरोरुहाणि)त्वद्वन्दनानि दुरिताहरणोद्यतानि (दुरितोत्तरणोद्यतानि, दुरितोद्धरणोद्यतानि)मामेव मातरनिशं कलयन्तु मान्ये ॥ १३॥ यत्कटाक्षसमुपासनाविधिःसेवकस्य सकलार्थसम्पदः ।सन्तनोति वचनाङ्गमानसैःत्वां मुरारिहृदयेश्वरीं भजे ॥ १४॥ सरसिजनिलये सरोजहस्तेधवलतमांशुकगन्धमाल्यशोभे ।भगवति हरिवल्लभे मनोज्ञेत्रिभुवनभूतिकरि प्रसीद मह्यम् ॥ १५॥ दिग् हस्तिभिः कनककुम्भमुखावसृष्ट-स्वर्वाहिनीविमलचारुजलप्लुताङ्गीम् ।प्रातर्नमामि जगतां जननीमशेष-लोकाधिनाथगृहिणीममृताब्धिपुत्रीम् ॥ १६॥ कमले कमलाक्षवल्लभे त्वंकरुणापूरतरङ्गितैरपाङ्गैः ।अवलोकय मामकिञ्चनानांप्रथमं पात्रमकृत्रिमं दयायाः ॥ १७॥ स्तुवन्ति ये स्तुतिभिरमीभिरन्वहंत्रयीमयीं त्रिभुवनमातरं रमाम् ।गुणाधिका गुरुतरभाग्यभागिनोभवन्ति ते भुवि बुधभाविताशयाः ॥ १८॥ ॥ इति श्रीमच्छङ्कराचार्यकृत श्री कनकधारास्तोत्रं सम्पूर्णम् ॥ नमोऽस्तु हेमाम्बुजपीठिकायैनमोऽस्तु भूमण्डलनायिकायै ।नमोऽस्तु देवादिदयापरायैनमोऽस्तु शार्ङ्गायुधवल्लभायै ॥ १९॥ नमोऽस्तु देव्यै भृगुनन्दनायैनमोऽस्तु विष्णोरुरसि स्थितायै ।नमोऽस्तु लक्ष्म्यै कमलालयायैनमोऽस्तु दामोदरवल्लभायै ॥ २०॥ नमोऽस्तु कान्त्यै कमलेक्षणायैनमोऽस्तु भूत्यै भुवनप्रसूत्यै ।नमोऽस्तु देवादिभिरर्चितायैनमोऽस्तु नन्दात्मजवल्लभायै ॥ २१॥ देवि प्रसीद जगदीश्वरि लोकमातःकल्याणगात्रि कमलेक्षणजीवनाथे ।दारिद्र्यभीतिहृदयं शरणागतं माम्आलोकय प्रतिदिनं सदयैरपाङ्गैः ॥ २२॥ अयं स्तवः स्वामिना शङ्करभगवत्पादेन ब्रह्मव्रतस्थेन कालटिनाम्निस्वग्राम एवाकिञ्चन्यपरिखिन्नाया द्विजगृहिण्या निर्धनत्वमार्जनायनिरमायि । तेन स्तवेन प्रीता लक्ष्मीर्विप्रं विपुलधनदानेनाप्रीणयदितिशङ्करविजयतः समाधिगम्यते, “स मुनिर्मुरजित्कुटुम्बिनींपदचित्रैर्नवनीत कोमलैः ंअधुरैरूपतस्थिवां- स्तवैः”इत्यादिना ॥ एते श्रीमन्मातुरभ्यर्थनया स्तवमेतमतनिषतेतिकालटिग्रामनिकटवर्तिनां विदुषां मतम् । तदारभ्य कर्णाकर्णिकयातथानुश्रुतम् ।

श्रीकनकधारास्तोत्रम्:Shri Kanakadhara Stotra Read More »

shrIlakShmIsahasranAmAvaliH:श्रीलक्ष्मीसहस्रनामावलिः

Leave a Comment / LAKSHMI, MANTRA / KARMASU

shrIlakShmIsahasranAmAvaliH:श्रीलक्ष्मीसहस्रनामावलिः shrIlakShmIsahasranAmAvaliH: ॐ श्रियै नमः । वासुदेवमहिष्यै । पुम्प्रधानेश्वरेश्वर्यै ।अचिन्त्यानन्तविभवायै । भावाभावविभाविन्य । अहम्भावात्मिकायै ।पद्मायै । शान्तानन्तचिदात्मिकायै । ब्रह्मभावं गतायै ।त्यक्तभेदायै । सर्वजगन्मय्यै । शान्तानन्तचिदात्मिकायै ।ब्रह्मभावं गतायै । त्यक्तभेदायै । सर्वजगन्मय्यै ।षाड्गुण्यपूर्णायै । त्रय्यन्तरूपायै । आत्मानपगामिन्यै । एकयोग्यायै ।अशून्यभावाकृत्यै । तेजःप्रभाविन्यै । भाव्यभावकभावायै ।आत्मभाव्यायै । कामदुहे नमः ॥ २० ॐ आत्मभुवे नमः । भावाभावमय्यै । दिव्यायै । भेद्यभेदकभावन्यै ।जगत्कुटुम्बिन्यै । अखिलाधारायै । कामविजृम्भिण्यै ।पञ्चकृत्यकर्यै । पञ्चशक्तिमय्यै । आत्मवल्लभायै ।भावाभावानुगायै । सर्वसम्मतायै । आत्मोपगूहिन्यै । अपृथक्चारिण्यै ।सौम्यायै । सौम्यरूपव्यवस्थितायै । आद्यन्तरहितायै । देव्यै ।भवभाव्यस्वरूपिण्यै । महाविभूत्यै नमः ॥ ४० ॐ समतां गतायै नमः । ज्योतिर्गणेश्वर्यै । सर्वकार्यकर्यै ।धर्मस्वभावात्मने । अग्रतः स्थितायै । आज्ञासमविभक्ताङ्ग्यै ।ज्ञानानन्दक्रियामय्यै । स्वातन्त्र्यरूपायै । देवोरःस्थितायै ।तद्धर्मधर्मिण्यै । सर्वभूतेश्वर्यै । सर्वभूतमात्रे ।आत्ममोहिन्यै । सर्वाङ्गसुन्दर्यै । सर्वव्यापिन्यै ।प्राप्तयोगिन्यै । विमुक्तिदायिन्य । भक्तिगम्यायै । संसारतारिण्यै ।धर्मार्थसाधिन्यै नमः ॥ ६० ॐ व्योमनिलयायै नमः । व्योमविग्रहायै । पञ्चव्योमपद्यै ।रक्षव्यावृत्यै । प्राप्यपूरिण्यै । आनन्दरूपायै । सर्वाप्तिशालिन्यै ।शक्तिनायिकायै । हिरण्यवर्णायै । हैरण्यप्राकारायै ।हैममालिन्यै । प्रत्नरत्नायै । भद्रपीठायै । वेशिन्यै ।रजतस्रजायै । स्वाज्ञाकार्यमरायै । नित्यायै । सुरभ्यै ।व्योमचारिण्यै । योगक्षेमवहायै नमः ॥ ८० ॐ सर्वसुलभायै नमः । इच्छाक्रियात्मिकायै । करुणाग्रानतमुख्यै ।कमलक्ष्यै । शशिप्रभायै । कल्याणदायिन्यै । कल्यायै ।कलिकल्मषनाशिन्यै । प्रज्ञापरिमितायै । आत्मानुरूपायै ।सत्योपयाचितायै । मनोज्ञेयायै । ज्ञानगम्यायै ।नित्यमुक्तात्मसेविन्यै । कर्तृशक्त्यै । सुगहनायै ।भोक्तृशक्त्यै । गुणप्रियायै । ज्ञानशक्त्यै ।अनौपम्यायै नमः ॥ १०० ॐ निर्विकल्पायै नमः । निरामयायै । अकलङ्कायै । अमृताधारायै ।महाशक्त्यै । विकासिन्यै । महामायायै । महानन्दायै । निःसङ्कल्पायै ।निरामयायै । एकस्वरूपायै । त्रिविधायै । सङ्ख्यातीतायै ।निरञ्जनायै । आत्मसत्तायै । नित्यशुचये । पराशक्त्यै ।सुखोचितायै । नित्यशान्तायै । निस्तरङ्गायै नमः ॥ १२० ॐ निर्भिन्नायै नमः । सर्वभेदिन्यै । असङ्कीर्णायै । अविथेयात्मने ।निषेव्यायै । सर्वपालिन्यै । निष्कामनायै । सर्वरसायै । अभेद्यायै ।सर्वार्थसाधिन्यै । अनिर्देश्यायै । अपरिमितायै । निर्विकारायै ।त्रिलक्षणायै । भयङ्कर्यै । सिद्धिरूपायै । अव्यक्तायै ।सदसदाकृत्यै । अप्रतर्क्यायै । अप्रतिहतायै नमः ॥ १४० ॐ नियन्त्र्यै नमः । यन्त्रवाहिन्यै । हार्दमूर्त्यै । महामूर्त्यै ।अव्यक्तायै । विश्वगोपिन्यै । वर्धमानायै । अनवद्याङ्ग्यै ।निरवद्यायै । त्रिवर्गदायै । अप्रमेयायै । अक्रियायै । सूक्ष्मायै ।परिनिर्वाणदायिन्यै । अविगीतायै । तन्त्रसिद्धायै । योगसिद्धायै ।अमरेश्वर्यै । विश्वसूत्यै । तर्पयन्त्यै नमः ॥ १६० ॐ नित्यतृप्तायै नमः । महौषध्यै । शब्दाह्वयायै । शब्दसहायै ।कृतज्ञायै । कृतलक्षणायै । त्रिवर्तिन्यै । त्रिलोकस्थायै ।भूर्भुवःस्वरयोनिजायै । अग्राह्यायै । अग्राहिकायै । अनन्ताह्वयायै ।सर्वातिशायिन्यै । व्योमपद्मायै । कृतधुरायै । पूर्णकामायै ।महेश्वर्यै । सुवाच्यायै । वाचिकायै । सत्यकथनायै नमः ॥ १८० ॐ सर्वपालिन्यै नमः । लक्ष्यमाणायै । लक्ष्यन्त्यै । जगज्ज्येष्ठायै ।शुभावहायै । जगत्प्रतिष्ठायै । भुवनभर्त्र्यै ।गूढप्रभावत्यै । क्रियायोगात्मिकायै । मूर्त्यै । हृदब्जस्थायै ।महाक्रमायै । परमदिवे । प्रथमजायै । परमाप्तायै । जगन्निधये ।आत्मानपायिन्यै । तुल्यस्वरूपायै । समलक्षणायै ।तुल्यवृत्तायै नमः ॥ २०० ॐ समवयसे नमः । मोदमानायै । खगध्वजायै । प्रियचेष्टायै ।तुल्यशीलायै । वरदायै । कामरूपिण्यै । समग्रलक्षणायै ।अनन्तायै । तुल्यभूर्त्यै । सनातन्यै । महर्द्ध्यै ।सत्यसङ्कल्पायै । बह्वृचायै । परमेश्वर्यै । जगन्मात्रे ।सूत्रवत्यै । भूतधात्र्यै । यशस्विन्यै । महाभिलाषायै नमः ॥ २२० ॐ सावित्र्यै नमः । प्रधानायै । सर्वभासिन्यै । नानावपुषे ।बहुभिदायै । सर्वज्ञायै । पुण्यकीर्तनायै । भूताश्रयायै ।हृषीकेश्वर्यै । अशोकायै । वाजिवाहिकायै । ब्रह्मात्मिकायै ।पुण्यजन्यै । सत्यकामायै । समाधिभुवे । हिरण्यगर्भायै । गम्भीरायै ।गोधूल्यै । कमलासनायै । जितक्रोधायै नमः ॥ २४० ॐ कुमुदिन्यै नमः । वैजयन्त्यै । मनोजवायै । धनलक्ष्म्यै ।स्वस्तिकर्यै । राज्यलक्ष्म्यै । महासत्यै । जयलक्ष्म्यै । महागोष्ठ्यै ।मघोन्यै । माधवप्रियायै । पद्मगर्भायै । वेदवत्यै । विविक्तायै ।परमेष्ठिन्यै । सुवर्णबिन्दवे । महत्यै । महायोगिप्रियायै ।अनघायै । पद्मेस्थितायै नमः ॥ २६० ॐ वेदमय्यै नमः । कुमुदायै । जयवाहिन्यै । संहत्यै । निर्मितायै ।ज्योतिषे । नियत्यै । विविधोत्सवायै । रुद्रवन्द्यायै । सिन्धुमत्यै ।वेदमात्रे । मधुव्रतायै । विश्वम्भरायै । हैमवत्यै । समुद्रायै ।इच्छाविहारिण्यै । अनुकूलायै । यज्ञवत्यै । शतकोट्यै ।सुपेशलायै नमः ॥ २८० ॐ धर्मोदयायै नमः । धर्मसेव्यायै । सुकुमार्यै । सभावत्यै ।भीमायै । ब्रह्मस्तुतायै । मध्यप्रभायै । देवर्षिवन्दितायै ।देवभोग्यायै । महाभागायै । प्रतिज्ञायै । पूर्णशेवध्यै ।सुवर्णरुचिरप्रख्यायै । भोगिन्यै । भोगदायिन्यै । वसुप्रदायै ।उत्तमवध्वे । गायत्र्यै । कमलोद्भवायै । विद्वत्प्रियायै नमः ॥ ३०० ॐ पद्मचिह्नायै नमः । वरिष्ठायै । कमलेक्षणायै । पद्मप्रियायै ।सुप्रसन्नायै । प्रमोदायै । प्रियपार्श्वगायै । विश्वभूषायै ।कान्तिमय्यै । कृष्णायै । वीणारवोत्सुकायै । रोचिष्कर्यै ।स्वप्रकाशायै । शोभमानविहङ्गमायै । देवाङ्कस्थायै । परिणत्यै ।कामवत्सायै । महामत्यै । इल्वलायै । उत्पलनाभायै नमः ॥ ३२० ॐ आधिशमन्यै नमः । वरवर्णिन्यै । स्वनिष्ठायै । पद्मनिलयायै ।सद्गत्यै । पद्मगन्धिन्यै । पद्मवर्णायै । कामयोन्यै । चण्डिकायै ।चारुकोपनायै । रतिस्नुषायै । पद्मधरायै । पूज्यायै ।त्रैलोक्यमोहिन्यै । नित्यकन्यायै । बिन्दुमालिन्यै । अक्षयायै ।सर्वमातृकायै । गन्धात्मिकायै । सुरसिकायै नमः ॥ ३४० ॐ दीप्तमूर्त्यै नमः । सुमध्यमायै । पृथुश्रोण्यै । सौम्यमुख्यै ।सुभगायै । विष्टरश्रुत्यै । स्मिताननायै । चारुदत्यै ।निम्ननाभ्यै । महास्तन्यै । स्निग्धवेण्यै । भगवत्यै । सुकान्तायै ।वामलोचनायै । पल्लवाङ्घ्र्यै । पद्ममनसे । पद्मबोधायै ।महाप्सरसे । विद्वत्प्रियायै । चारुहासायै नमः ॥ ३६० ॐ शुभदृष्ट्यै नमः । ककुद्मिन्यै । कम्बुग्रीवायै । सुजघनायै ।रक्तपाण्यै । मनोरमायै । पद्मिन्यै । मन्दगमनायै । चतुर्दंष्ट्रायै ।चतुर्भुजायै । शुभरेखायै । विलासभ्रुवे । शुकवाण्यै ।कलावत्यै । ऋजुनासायै । कलरवायै । वरारोहायै । तलोदर्यै ।सन्ध्यायै । बिम्बाधरायै नमः ॥ ३८० ॐ पुर्वभाषिण्यै नमः । स्त्रीसमाह्वयायै । इक्षुचापायै । सुमशरायै ।दिव्यभूषायै । मनोहरायै । वासव्यै । पण्डरच्छत्रायै ।करभोरवे । तिलोत्तमायै । सीमन्तिन्यै । प्राणशक्त्यै । विभीषिण्यै ।असुधारिण्यै । भद्रायै । जयावहायै । चन्द्रवदनायै । कुटिलालकायै ।चित्राम्बरायै । चित्रगन्धायै नमः ॥ ४०० ॐ रत्नमौलिसमुज्ज्वलायै नमः । दिव्यायुधायै । दिव्यमाल्यायै ।विशाखायै । चित्रवाहनायै । अम्बिकायै । सिन्धुतनयायै । सुश्रेण्यै ।सुमहासनायै । सामप्रियायै । नम्रिताङ्ग्यै । सर्वसेव्यायै ।वराङ्गनायै । गन्धद्वारायै । दुराधर्षायै । नित्यपुष्टायै ।करीषिण्यै । देवजुष्टायै । आदित्यवर्णायै ।दिव्यगन्धायै नमः ॥ ४२० ॐ सुहृत्तमायै । अनन्तरूपायै । अनन्तस्थायै ।सर्वदानन्तसङ्गमायै । यज्ञाशिन्यै । महावृष्ट्यै । सर्वपूज्यायै ।वषट्क्रियायै । योगप्रियायै । वियन्नाभ्यै । अनन्तश्रियै ।अतीन्द्रियायै । योगिसेव्यायै । सत्यरतायै । योगमायायै । पुरातन्यै ।सर्वेश्वर्यै । सुतरण्यै । शरण्यायै । धर्मदेवतायै नमः ॥ ४४० ॐ सुतरायै नमः । संवृतज्योतिषे । योगिन्यै । योगसिद्धिदायै ।सृष्टिशक्त्यै । द्योतमानायै । भूतायै । मङ्गलदेवतायै ।संहारशक्त्यै । प्रबलायै । निरुपाधये । परावरायै । उत्तारिण्यै ।तारयन्त्यै । शाश्वत्यै । समितिञ्जयायै । महाश्रियै । अजहत्कीर्त्यै ।योगश्रियै । सिद्धिसाधिन्यै नमः ॥ ४६० ॐ पुण्यश्रियै नमः । पुण्यनिलयायै । ब्रह्मश्रियै ।ब्राह्मणप्रियायै । राजश्रियै । राजकलितायै । फलश्रियै ।स्वर्गदायिन्यै । देवश्रियै । अद्भुतकथायै । वेदश्रियै ।श्रुतिमार्गिण्यै । तमोऽपहायै । अव्ययनिधये । लक्षणायै ।हृदयङ्गमायै । मृतसञ्जीविन्यै । शुभ्रायै । चन्द्रिकायै ।सर्वतोमुख्यै नमः ॥ ४८० ॐ सर्वोत्तमायै नमः । मित्रविन्दायै । मैथिल्यै । प्रियदर्शनायै ।सत्यभामायै । वेदवेद्यायै । सीतायै । प्रणतपोषिण्यै ।मूलप्रकृत्यै । ईशानायै । शिवदायै । दीप्रदीपिन्यै । अभिप्रियायै ।स्वैरवृत्त्यै । रुक्मिण्यै । सर्वसाक्षिण्यै । गान्धारिण्यै ।परगत्यै । तत्त्वगर्भाय । भवाभवायै नमः

shrIlakShmIsahasranAmAvaliH:श्रीलक्ष्मीसहस्रनामावलिः Read More »

SiddhilakShmIstutih:सिद्धिलक्ष्मीस्तुतिः

Leave a Comment / LAKSHMI, MANTRA / KARMASU

SiddhilakShmIstutih:सिद्धिलक्ष्मीस्तुतिः आकारब्रह्मरूपेण ओंकारं विष्णुमव्ययम् ।सिद्धिलक्ष्मि! परालक्ष्मि! लक्ष्यलक्ष्मि नमोऽस्तु ते ॥ याः श्रीः पद्वने कदम्बशिखरे राजगृहे कुंजरे श्वेते चाश्वयुते वृषे च युगले यज्ञे च यूपस्थिते ।शंखे देवकुले नरेन्द्रभवने गंगातटे गोकुले या श्रीस्तिष्ठति सर्वदा मम गृहे भूयात् सदा निश्चला ॥ या सा पद्मासनस्था विपुलकटितटी पद्मपत्रायताक्षी गम्भीरावर्तनाभिः स्तनभरनमिता शुद्धवस्त्रोत्तरीया ।लक्ष्मिर्दिव्यैर्गजेन्द्रैर्मणिगणखचितैः स्नापिता हेमकुम्भै- र्नित्यं सा पद्महस्ता मम वसतु गृहे सर्वमांगल्ययुक्ता ॥ ॥ इति सिद्धिलक्ष्मीस्तुतिः समाप्ता ॥

SiddhilakShmIstutih:सिद्धिलक्ष्मीस्तुतिः Read More »

shrI lakShmIsUkta:श्रीलक्ष्मीसूक्त

Leave a Comment / LAKSHMI, MANTRA / KARMASU

shrI lakShmIsUkta:श्रीलक्ष्मीसूक्त श्री गणेशाय नमः ।ॐ पद्मानने पद्मिनि पद्मपत्रे पद्मप्रिये पद्मदलायताक्षि ।विश्वप्रिये विश्वमनोऽनुकूले त्वत्पादपद्मं मयि सन्निधत्स्व ॥ पद्मानने पद्मऊरु पद्माश्री पद्मसम्भवे ।तन्मे भजसिं पद्माक्षि येन सौख्यं लभाम्यहम् ॥ अश्वदायै गोदायै धनदायै महाधने ।धनं मे जुषतां देवि सर्वकामांश्च देहि मे ॥ पुत्रपौत्रं धनं धान्यं हस्त्यश्वादिगवेरथम् ।प्रजानां भवसि माता आयुष्मन्तं करोतु मे ॥ धनमग्निर्धनं वायुर्धनं सूर्योधनं वसुः ।धनमिन्द्रो बृहस्पतिर्वरुणो धनमस्तु मे ॥ वैनतेय सोमं पिब सोमं पिबतु वृत्रहा ।सोमं धनस्य सोमिनो मह्यं ददातु सोमिनः ॥ न क्रोधो न च मात्सर्यं न लोभो नाशुभा मतिः ।भवन्ति कृतपुण्यानां भक्तानां श्रीसूक्तं जापिनाम् ॥ सरसिजनिलये सरोजहस्ते धवलतरांशुक गन्धमाल्यशोभे ।भगवति हरिवल्लभे मनोज्ञे त्रिभुवनभूतिकरि प्रसीद मह्यम् ॥ श्रीर्वर्चस्वमायुष्यमारोग्यमाविधाच्छोभमानं महीयते ।धान्य धनं पशुं बहुपुत्रलाभं शतसंवत्सरं दीर्घमायुः ॥ ॐ महादेव्यै च विद्महे विष्णुपत्न्यै च धीमहि ।तन्नो लक्ष्मीः प्रचोदयात् ॥ ॐ महालक्ष्म्यै च विद्महे महश्रियै च धीमहि ।तन्नः श्रीः प्रचोदयात् ॥ विष्णुपत्नीं क्षमां देवीं माधवीं माधवप्रियाम् ।लक्ष्मीं प्रियसखीं देवीं नमाम्यच्युतवल्लभाम् ॥ चन्द्रप्रभां लक्ष्मीमैशानीं सूर्याभांलक्ष्मीमैश्वरीम् ।चन्द्र सूर्याग्निसङ्काशां श्रियं देवीमुपास्महे ॥ ॥ इति श्रीलक्ष्मी सूक्तं सम्पूर्णम् ॥

shrI lakShmIsUkta:श्रीलक्ष्मीसूक्त Read More »